धरान/नेपाल आइस नेचुरा मिस पूर्वाञ्चल–२०१७ को क्राउन धरानकी रुवी लिम्बूले जितेकी छन् ।
[caption id="attachment_56420" align="alignnone" width="960"]
तस्बिरः उपेन्द्र चाम्लिङ[/caption]
प्रमुख निर्णायक पिएलओ लुब्रिकेन्टका प्रमुख भोलेश्वर दुलालले सोधेको प्रश्नको सटिक उत्तर दिँदै लिम्बूले क्राउनसँगै याहामा कम्पनीको रे स्कुटी, हङकङ टुरलगायत पुरस्कार जितिन् । फष्ट रनरअप धरानकै सिम्रन श्रेष्ठ बन्दै नगद ५० हजार रुपैयासहित ताज जितिन । उनले मिस पर्सनालिटी र मिस फोटोजेनिकको टाइटल उपाधिसमेत जितेकी छन् । प्रत्येक टाइटलबाट नगद १२ हजार प्रदान गरिएको छ ।
सेकेण्ड रनरअप विर्तामोड झापाकी अनु ढुङ्गानाले जित्दै नगद ४० हजार रुपैया जितेकी छन् । विजेता लिम्बूले टाइटल तर्फ मिस हेल्दी, मिस इन्टलेक्च्युवल, र मिस ट्यालेन्टको उपाधि जितिन् । टाइटल तर्फ मिस चार्मिङ सर्मिला खतिवडा, मिस फ्रेण्डसिप तर्फ विपना श्रेष्ठ, मिस क्याटवक अस्तर तामाङ, मिस पब्लिकच्वाइस र मिस मल्टिमिडिया सताब्दिका गिरी साथै मिस ज्वेलरीको टाइटल प्रतिमा तिवारीले प्राप्त गरिन् । विजेताहरुलाई कार्यक्रममा अतिथिहरुले पुरस्कार वितरण गरेका थिए ।
