धरानमा मंसिर ५ देखि स्कुल ओलम्पिक

alt
  • कार्तिक २०, २०७५
  • ५८ पटक पढिएको
  • Blast

जिरोपोइन्ट /  धरान उपमहानगरपालिका नगर खेलकुद विकास समितिको आयोजनामा गत वर्षबाट शुरु भएको मेयरकप स्कुल ओलम्पिकको दोस्रो संस्करण ‘मेयरकप स्कुल ओलम्पिक २०७५’ मङ्सिर ५ गतेदेखि १७ गतेसम्म हुने भएको छ । विद्यालयस्तरबाट विद्यार्थीलाई विभिन्न खेलकुदमा सहभागी हुने अवसर प्रदान विभिन्न विधामा राष्ट्रिय तथा अन्तर्राष्ट्रिय स्तरसम्म पुग्न सक्ने खेलाडी उत्पादन गर्ने उद्देश्यका साथ दोस्रो संस्करणको तयारी थालिएको मङ्गलबार पत्रकार सम्मेलन गरी जानकारी गराइएको हो । गत वर्ष फुटबल, भलिबल, बास्केटबल, टेबल टेनिस, ब्याडमिन्टन, बुद्धिचाल, कराँते, तेक्वान्डो, क्रिकेट, एथ्लेटिक्स गरी १० वटा खेल भएको मेयरकपमा यस वर्ष कबड्डी र सेपाक टेक्रो (किक भलिबल) खेल थप गरी जम्मा १२ वटा खेलहरू रहनेछन् । एथ्लेटिक्सअन्तर्गत ज्याभलिन थ्रो, दौड, हाईजम्प, लङजम्प र सटफुटजस्ता खेलहरू हुनेछन् । कक्षा १ देखि १० सम्मका विद्यार्थी सहभागी हुन पाउने यस ओलम्पिकमा तेक्वान्डो र कराँते विधामा तौलका आधारमा खेल खेलाइनेछ । टेबल टेनिस उमेरको आधारमा खेलाइने, ब्याडमिन्टनमा ५ देखि ७ र ८ देखि १० कक्षाका आधारमा खेलाइने र अन्य खेल खुला रूपमा खेलाइने बताइएको छ । हालसम्म सामुदायिक १३ र संस्थागत ४१ गरी ५४ वटा विद्यालयले नाम दर्ता गराएका छन् । यस वर्षको ओलम्पिकमा जम्मा ७३ स्वर्ण पदक, ७३ कास्य पदक र १२४ रजत पदक राखिएको खेलकुद विकास समितिका अध्यक्ष सुवास राईले बताए । विद्यालयस्तरीय मेयरकप ओलम्पिक खेलमा विजेता खेलाडीलाई ट्रफी र प्रमाणपत्र प्रदान गरिनेछ । सबैभन्दा बढी स्वर्ण पदक जित्न सफल विद्यालयलाई प्रथम घोषणा गरी करसहित नगद १ लाख २० हजार, दोस्रो हुने विद्यालयलाई नगद ८० हजार र तेस्रो हुने विद्यालयलाई नगद ५० हजारसहित प्रमाणपत्र प्रदान गरिनेछ । गत वर्षको तुलनामा यस वर्ष नगद पुरस्कारमा वृद्धि गरिएको छ । यस प्रतियोगिता कुल खर्च १९ लाख २३ हजारको हाराहारीमा छ । जसका लागि उपमहानगरपालिकाबाट १८ लाख रुपैयाँ विनियोजन भएको छ । विद्यालयको दर्ता शुल्कबाट १ लाख २३ हजार रकम सङ्कलन हुने अनुमान आयोजकले गरेको छ । ओलम्पिकमा नाम दर्ता गर्नका लागि यस वर्ष निजी विद्यालयलाई ३ हजार ५ सय र सामुदायिक विद्यालयलाई २ हजार शुल्क तोकिएको छ । ओलम्पिकको उद्घाटन मङ्सिर ५ गते दिउँसो १ बजे धरान रङ्गशाला धरान–१६ मा हुनेछ । समापन मङ्सिर १७ गते सोही स्थानमा हुनेछ ।

करणी गरेको आरोपमा यु ...

तेह्रथुम /  आठराई गाउँपालिका ४ ईवाबाट प्रहरीले जवर ...

‘सा रे गा मा पा..... ...

धरान / नेपाल आइडलबाट बहिरिए पछि भारतीय टेलिभिजन जी टिभी ...

दुवईअवार्डकाे दावेदा ...

धरान /  धरान १५ स्थित केके इन्टरनेसनल स्कुलले आप्m ...

तेस्रो देशमा भाषा जो ...

पथरीशनिश्चरे / तेस्रो मुलुक पुनर्वास भएका भूटानी स ...


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2018 - Blastkhabar.com All rights reserved