बीपी प्रतिष्ठानमा लापरबाहीले गर्भवती महिलाको मृत्यु

alt
  • मंसिर ४, २०७५
  • २,८९० पटक पढिएको
  • ब्लाष्ट खबर

धरान/बीपी कोइराला स्वास्थ्य विज्ञान प्रतिष्ठानको प्रशुति विभागमा गर्भवती महिलाको मृत्यु भएपछि तनाव उत्पन्न भएको छ ।

मृतकका आफन्तले चिकित्सकको लापरबाहीका कारण मृत्यु भएको आरोप लगाएका छन् । मृत्युपछि आइतबार साँझ प्रशुति विभाग केही समय तनावग्रस्त बन्यो । बीपी प्रतिष्ठानमै विगत ६ महिनादेखि नियमित चेकजाँच गराउँदै आएकी धनकुटा साँगुरीगढी गाउँपालिका–२ बुढीमोरङकी मनिषा लिम्बूको मृत्यु भएको हो । मृककका आफन्तले चिकित्सकहरूले समयमा चेकजाँच नर्गदा सुत्केरीको मृत्यु भएको बताएको छ ।

चिकित्सकले भने मृतक लिम्बूको ‘एम्युनेटिक फ्ल्युड इम्बोलिजम’ का कारण मृत्यु भएको मृत्यु प्रमाण पत्र थमाएको छ । उक्त प्रमाण पत्रमा सिनियर रेजिडेन्ट ज्योत्सना यादवले हस्ताक्षर गरेकी छन् । बच्चा गर्भ रहेका बेला पाठेघर भित्र रहेको तरल पदार्थलाई ‘एम्युनेटिक फ्ल्युड’ भनिन्छ । उक्त तरल पदार्थ नसाको माध्यमबाट छाती वा फोक्सोमा पुगी मृत्यु भएमा ‘एम्युनेटिक फ्ल्युड इम्बोलिजम’ भनिन्छ ।

त्यो हुँदा गर्भवतीको ९९ प्रतिशत मृत्यु हुने सम्भावना रहने प्रशुति विभागका चिकित्सक दाबी गर्छन् ।

चिकित्सकका अनुसार सुत्केरीलाई व्यथा लागिसकेपछि यस्तो सम्भावना बढी रहन्छ । तर, यस्तो समस्या विशेष गरेर ३५ वर्षमाथिका सुत्केरीहरूमा बढी हुने सम्भावना रहेको अनुसन्धानले देखाएको छ । विकिपिडियाका अनुसार प्रत्येक १ लाख सुत्केरी महिलामध्ये १२ जनासम्मलाई यस्तो समस्या हुन सक्छ ।

मनिषालाई कात्तिक ३० गते भर्ना गरेको थियो । तर, उनको बच्चा जन्मिने मिति भने मंसिर २३ गते दिएको थियो । भर्ना गरिसकेपछि पनि बेडसमेत नदिई राखेको र वेथा लागे पनि ‘लेवर’ रूपमा नलगी बाहिर नै राखिरहेको पीडितकी फुपू सासु मेनुका लिम्बूले बताइन् ।

आइतबार राति एक्कासी गम्भीर भएपछि बारम्बार नर्सलाई भन्दा ‘दोस्रो बच्चा हो’ आत्तिनु पर्दैन भन्दै हप्काउने मेनकाले बताइन् । उनका अनुसार त्यसपछि बिरामी एक्कासी चिसोमा बस्छु भन्दै बेडबाट उत्रिएपछि मृत्यु भएको बताइन् । यो घटनापछि प्रशासनसँग छलफल गर्ने भनिए पनि आइतबार छलफल बसेन ।

सोमबारको छलफलमा क्षतिपूर्तिसहितको माग गरिए पनि प्रशासनले मृतकका श्रीमान विनेन्द्र लिम्बू र ८ वर्षीया छोरी मानवी लिम्बूलाई प्रतिष्ठानमा जीवनभर निःशुल्क उपचार गरिदिने सहमति बनेको उनले बताइन् ।

छलफलमा अस्पतालका तर्फबाट अस्पताल निर्देशक प्रा.डा. गौरीशङ्कर साह रहेका थिए । उनले भने, ‘गर्भवतीमा केही कम्प्लिकेसन आएर मृत्यु भएको हो । एम्युनेटिक फ्ल्युड एम्बोलिजम भएको थियो ।’ उनले के सहमति भयो भन्ने विषयमा नखुलाए पनि ‘अस्पतालले मानवीय दृष्टिले गर्नसक्ने कुरा’ गरेको बताए ।

उनले प्रतिष्ठानले कसैलाई आर्थिक क्षतिपूर्ति दिन सक्दैन भनेर प्रष्ट राखेको बताए । ‘हामीले मृतका आफन्तलाई तीनवटा अप्सन दिएका थियौं । त्यही अप्सनमा उहाँहरू मान्नुभयो ।’ उनले फोनसम्पर्कमा भने ।

उदयपुरमा पिक्निक गए ...

उदयपुर / उदयपुरको चिम्चुङ्बुङमा पिक्नीक खाएर फर्कन ...

अपराधमा वारीपारीकाे ...

दमक /  भारतको विहारसँग जोडिएको झापासहित पूर्वी त ...

अक्षयकोष स्थापना ...

तेह्रथुम / नेपाल पत्रकार महासंघ तेह्रथुम शाखाले पत ...

दुर्घटनामा ३ दिनकी स ...

पाल्पा / सदरमुकाम तानसेनबाट माथागढी गाउँपालिका&nda ...


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2018 - Blastkhabar.com All rights reserved