टिएमजे क्षेत्रको पाथीभरा(भिडियो समाचार)

alt
  • मंसिर १२, २०७५
  • ११० पटक पढिएको
  • कृष्ण विदुखी गौतम

तेह्रथुम / तेह्रथुम र संखुवासभाको संगमस्थलमा रहेको पाथीभरा भगवतीको मन्दिर जिल्ला कै प्रमुख पर्यटकीय गन्तव्य बनेको छ । तीनजुरे, मिल्के र जलजले क्षेत्रको प्रवेशद्धारमा रहेको यो मन्दिरमा टाढा टाढाबाट पर्यटक तथा दर्शनार्थीहरु आउने गरेको स्थानीयले बताएका छन् । तेह्रथुमको लालीगुँरास नगरपालिका र संखुवासभाको धर्मदेवी नगरपालिकाको सिमानामा रहेको यस मन्दिरमा पुजा आजा गर्न तथा यस आसपासका रमणीय क्षेत्रहरुको दृष्यावलोकन गर्न पर्यटकहरुको मुख्य रोजाई हो । जिल्लाको चर्चित धार्मिक स्थलहरुमध्ये अध्ययन भ्रमण, वनभोज स्थल र बिशेष चाडपर्वमा निकै ठूलो जमघट हुने गरेको स्थानीय दिलबहादुर सुवेदीले बताए ।

पाथीभरा मन्दिर हिन्दुहरूको महत्वपूर्ण धार्मिक स्थल हो । यसलाई सानो पाथीभरा समेत भन्ने गरिएको छ । धागोको डोरोले मन्दिरलाई तीन फन्कोसम्म लगाउँदा चुटिएन भने पाथीभरा भगवतीसँग गरेको विश्वास कहिल्यै पनि नटुट्ने धार्मिक विश्वास रहेको छ । यहाँबाट ताप्लेजुङको पाथीभरा देखिने भएकाले मागेको कुरा सबै पुग्ने विश्वास गरिएको स्थानीय गीता खड्काले बताइन ।
सामुन्द्रिक सतहबाट २ हजार ९ सय २० मिटरको उचाइमा अन्नभरेको पाथीझैं सुन्दर, मनमोहक आकृति बोकेको पहाडको टुप्पोमा देवीको उत्पतिस्थल भएको पौराणिक विश्वासको आधारमा यस ठाउँमा बिस २०५३ सालमा पाथीभरा मन्दिरको स्थापना गरिएको स्थानीयले बताए ।

कसरी पुग्ने ?
तेह्रथुमको सदरमुकाम म्याङलुङबाट २८ किलोमिटर पश्चिममा टुटे देउराली पुगिन्छ । टुटे देउरालीबाट गुराँसको घना जंगल हुँदै एक घण्टा पैदल गए पछि पाथीभरा पुगिन्छ । कोशी पहाडी राजमार्ग अन्र्तगत धरान, धनकुटा, बसन्तपुर हुदै टुटे देउराली जहाँबाट २० मिनेटको गाडीको यात्राले पाथीभरा मन्दिर पुग्ने पहिलो खुड्किलो पुगिन्छ । उक्त खुड्किलाबाट हजार खुड्किला पार गरेपछि पाथीभरा मन्दिर पुग्न सकिन्छ । मन्दिरमा विशेष गरी नयाँ वर्षमा लालीगुराँस फुल्ने भएकाले उक्त सिजनमा पर्यटकहरुको घुइँचो लाग्ने गरेको छ ।

 

उदयपुरमा पिक्निक गए ...

उदयपुर / उदयपुरको चिम्चुङ्बुङमा पिक्नीक खाएर फर्कन ...

अपराधमा वारीपारीकाे ...

दमक /  भारतको विहारसँग जोडिएको झापासहित पूर्वी त ...

अक्षयकोष स्थापना ...

तेह्रथुम / नेपाल पत्रकार महासंघ तेह्रथुम शाखाले पत ...

दुर्घटनामा ३ दिनकी स ...

पाल्पा / सदरमुकाम तानसेनबाट माथागढी गाउँपालिका&nda ...


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2018 - Blastkhabar.com All rights reserved