मोरङका स्थानीय तहमा खोलाको सिमाना विवादले समस्या

alt
  • मंसिर १८, २०७५
  • ३८२ पटक पढिएको
  • भक्तशेर लिम्बू

बेलबारी  । स्थानीय तहहरुको सिमांकन नहुँदा अहिले त्यसको अशर देखिन थालेको छ । सिमाना स्पष्ट नहुँदा मोरङको विभिन्न स्थानीय तहका खोलाजन्य पदार्थ उपयोगको क्रममा विवाद उत्पन्न भएको छ ।
स्थानीय तहहरु आआफ्नो क्षेत्रभित्र पर्ने खोलाहरुको ठेक्का लगाई सकेका छन् । तर सिमाना स्पष्ट रुपमा नहँदा अहिले कर संकलनकालागि ठेकेदारहरुलाई समस्या भएको छ । विशेष गरेर मोरङका एउटै खोलाले धेरैवटा स्थानीय तहहरुलाई छोएको छ । ति खोलाको नक्सा र सिमांकन नभएका कारण अहिले उपभोगको क्रममा विवाद उत्पन्न भएको हो ।

मोरङको केराबारी गाउँपालिका र बेलबारी नगरपालिकाको विवाद पनि यहि हो । केराबारी ९ र बेलबारी १ लाई छुट्याउने सिमाना लोहोन्द्रा खोला नै हो । तर उक्त खोला क्षेत्रको भाग कुन स्थानीय तहमा कति पर्छ भनेर स्पष्ट नहुँदा अहिले गिटी बालुला निकासीमा समस्या उत्पन्न भएको हो ।

यस्तै समस्या बेलबारी नगरपालिका र ग्रामथान गाउँपालिका बीच पनि देखिएको छ । बेलबारी नगरपालिका हुँदै बग्ने लोहोन्द्रा खोला ग्रामथान गाउँपालिकामा पनि पर्दछ । सो क्षेत्रमा पनि कर संकलनमा समस्या उत्पन्न भएको छ । उक्त विषयमा इलाका प्रहरी कार्यालय बेलबारीमा स्थानीय ठेकेदारहरुले उजुरी समेत गरेका छन् । खोला ठेक्का लगाउन अघि सिमांकन नगरेको हुँदा उक्त समस्या देखा परेको छ ।


यसैबीच जिल्ला समन्वय समिति मोरङले केराबारी,बेलबारी र सुन्दरहरैंचाको खोलाहरुको अवलोकन गरेको छ । स्थानीय तहले खोला ठेक्का लगाएपछि वातावरीण प्रभाव मुल्यांकन अनुरुप खोला उत्खनन् भए नभएको हेर्ने समितिले अनुगमन गरेको हो । समितिले वन क्षेत्र र चुरेक्षेत्रमा उत्खनन्लाई कडाई गरेको छ । केराबारी गाउँपालिकाले खोलामा मिसिन प्रयोग गर्ने बारे अनुमति नलिएको हुँदा भलुवा खोलाको उत्खनन् रोकेको छ ।

 

नाइजेरियामा ५९ जना ल

नाइजेरिया/ सरकारी सुरक्षाफौजको कारबाहीमा उत्तरपश्चिम ना

विषाक्त मदिरा सेवन ग

गुवाहाटी, भारत/ भारतमा विषाक्त मदिरा सेवन गरेकाले १५ मह

एनसेल टावरमा बम विष्

काठमाडौँ/  ललितपुरमा रहेको एनसेलको टावरमा लक्षित ग

शिक्षा र स्वास्थ्यमा

भोजपुर/ भोजपुर नगरपालिकाका मेयर कैलाशकुमार आलेले समृद्ध


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved