खेतमै अध्ययन, खेतमै गृहकार्य

alt
  • मंसिर १९, २०७५
  • ७२ पटक पढिएको
  • भूमिराज पराजुली

दमक/सुन्दा अचम्म लाग्न सक्छ किशानलाई खेतमै अध्ययन, खेतमै गृहकार्य भन्दा । तर, झापा कमल गाउँपालिकाका किशानलाई खेतमै अध्ययन र गृहकार्य गराउन शुरू गरिएको छ ।

झापाको कमल गाउपालिकाको मूल कृषक समूह अन्तर्गत वडा नम्बर–६ स्थित हरियाली कृषक समूहका किशानले गृहकार्य गरेबापत बीउ पाउने गरेका छन् । कृषक मदनकुमार बोहोराले गृहकार्यका लागि एक किलो घाँसको बीउ पाएका छन् ।

बोहोराले मूल कृषक समूहमार्फत् १८ हप्ताको कृषि पाठशाला अध्ययनपछि गृहकार्यवापत एक किलो भेच जातको घाँसको बीउ पाएका हुन् । उनले दिनभरी कृषि पाठशालामा सिकेको ज्ञानलाई खेतमा प्रयोगात्मकका लागि दिइएको हो ।

बोहोरा जस्तै यो पाठशालामा अध्ययन गरिरहेका २० प्रशिक्षार्थी किसानलाई प्रतिव्यक्ति गृहकार्यवापत एक एक किलो बीउ प्रदान गरिएको हो ।

यस्तो गृहकार्य गर्नका लागि किशानसँग कुनै कापी र कलम भने थिएन । कोठाभित्र डेक्सबेञ्च पनि थिएन । सबैको हातमा एक किलो युरिया मल, एक किलो डिएपी र तेती नै मात्रामा भेच जातको घाँसको बीउ थियो । कमल गाउँपालिकाले सोमबारदेखि कृषि पाठशाला शुरु गरेको छ । किशानलाई हिउदे घाँस रोप्ने तरिकाबारे सिकाइदै छ ।

पाठशालामा ९० प्रतिशत सिकाई प्रयोगात्मक गराइदैछ । यहाँ साधारण लेखपढ गरेका कृषकमात्रै छैनन् । ३० वर्ष दमक बहुमुखी क्याम्पसमा प्राध्यापन गरेका निलम कट्वाल पनि त्यही पाठशालाका विद्यार्थी हुन् । समूहका अध्यक्षसमेत रहेका कट्वाल कलेजमा विद्यार्थी अध्यापन गरेजस्तो नहुने उनले बताए ।

कलम गाउपालिकाले किसानलाई पशुपालन र दूध उत्पादनका लागि हिउदे घाँसको बीउ उत्पादन गर्ने उद्देश्यले यहाँ डेढ बिघा जग्गामा सामूहिक रूपमा खेती गरिदै आएको छ । कलम गापा कृषि शाखाका प्राबिधिक सन्तोष भण्डारीका अनुसार पशुसेवा बिभागको ससर्त कार्यक्रम अन्र्तगत बीउ मल अनुदान बापत प्राप्त भएको हो ।

खासगरि दुध उत्पादन गर्ने पशुपालनका लागि अत्यधिक उपयोग भएकाले भेच जातको घाँसको बीउ उत्पादन गर्न लागिएको हो । ‘यो घाँसमा १५ देखि २० प्रतिशतसम्म प्रोटिन हुने भएकाले अन्य दाना समेत खुवाउने नपर्ने हुन्छ’ प्राविधिक भण्डारीले भने ।

करणी गरेको आरोपमा यु ...

तेह्रथुम /  आठराई गाउँपालिका ४ ईवाबाट प्रहरीले जवर ...

‘सा रे गा मा पा..... ...

धरान / नेपाल आइडलबाट बहिरिए पछि भारतीय टेलिभिजन जी टिभी ...

दुवईअवार्डकाे दावेदा ...

धरान /  धरान १५ स्थित केके इन्टरनेसनल स्कुलले आप्m ...

तेस्रो देशमा भाषा जो ...

पथरीशनिश्चरे / तेस्रो मुलुक पुनर्वास भएका भूटानी स ...


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2018 - Blastkhabar.com All rights reserved