पत्रकार महासंघ सुनसरीले सप्ताहव्यापी कार्यक्रम गर्ने

alt
  • मंसिर २०, २०७५
  • ४८ पटक पढिएको
  • ब्लाष्ट खबर

इटहरी /  नेपाल पत्रकार महासंघ सुनसरी शाखाले यस वर्ष वार्षिक साधारणसभाको अवसरमा सप्ताहव्यापी कार्यक्रम आयोजना गर्ने भएको छ ।  सुनसरीमा पहिलोपल्ट सप्ताहव्यापी पत्रकार र पत्रकारितासम्बन्धी विविध रचनात्मक क्रियाकलाप समावेस गरि कार्यक्रम गर्न लागेको हो । विहीबार बसेको पत्रकार महासंघ जिल्ला शाखाको बैठकले सप्ताहव्यापी कार्यक्रम आगामी पुस १५ गते सुरु गरेर पुस १९ गतेसम्म गर्ने भएको हो ।
कार्यक्रम अनुसार, पहिलो दिन (पुस १५ गते) महासंघको धरानमा निर्माण भएको दोस्रो तला भवन उद्घाटन, दोस्रो दिन (पुस १६ गते) इनरुवामा पत्रकारितामा विद्यमान चुनौती र सामाजिक उत्तरदायित्व विषयक अन्तरक्र्रिया गर्न लागेको हो ।
यस्तै, तेस्रो दिन (पुस १७ गते) इटहरीमा पत्रकारका सृजना सार्वजनिक तथा प्रस्तुतीसँगै फोटो प्रदर्शनी पनि गर्ने भएको छ । महासंघले जिल्लाको इतिहास लेखन कामलाई समेत अघि बढाउने भएकाले गर्दा पत्रकारका सृजना सार्वजनिक तथा प्रस्तुती कार्यक्रम राखिएको हो ।
यही दिन पत्रकारका स्वास्थ्य चेकजाँच गर्न स्वास्थ्य शिविर गरिने भएको छ । स्वास्थ्य शिविर कार्यक्रम गर्न महासंघ जिल्ला उपाध्यक्ष सुभद्रा प्याकुरेलको संयोजकत्वमा समिति गठन गरिएको छ ।
चौथो दिन (पुस १८ गते) धरानमा पत्रकारकै लागि खेलकुद कार्यक्रम र पाँचौ दिन (पुस १९ गते) धरानमै साधारणसभा गरिनेछ । खेलकुद कार्यक्रमका लागि जिल्ला सदस्य धिरेन लिम्बुको संयोजकत्वमा समिति बनेको छ । साधारणसभामा सांगठनिक प्रतिवेदन, आर्थिक प्रतिवेदन, पत्रकारका लागि स्थापना गर्न लागिएको हित कोषको कार्यविधि पारित र भावि कार्यक्रम पारित गरिनेछ । साधारणसभाका लागि जिल्ला उपाध्यक्ष सन्तोष काफ्लेको संयोजकत्वमा समिति गठन गरिएको छ ।
कार्यक्रम सफल पार्न जिल्ला कोषाध्यक्ष गोविन्द बस्नेतको संयोजकत्वमा आर्थिक समिति गठन गरिएको छ । यस्तै, अतिथि सत्कारका लागि जिल्ला उपाध्यक्ष सुभद्रा प्याकुरेलको संयोजकत्वमा समिति गठन गरिएको छ ।

करणी गरेको आरोपमा यु ...

तेह्रथुम /  आठराई गाउँपालिका ४ ईवाबाट प्रहरीले जवर ...

‘सा रे गा मा पा..... ...

धरान / नेपाल आइडलबाट बहिरिए पछि भारतीय टेलिभिजन जी टिभी ...

दुवईअवार्डकाे दावेदा ...

धरान /  धरान १५ स्थित केके इन्टरनेसनल स्कुलले आप्m ...

तेस्रो देशमा भाषा जो ...

पथरीशनिश्चरे / तेस्रो मुलुक पुनर्वास भएका भूटानी स ...


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2018 - Blastkhabar.com All rights reserved