बेहोस बनाएर बसमा लुटपाट

alt विराटनगरस्थित नोबेल मेडिकल कलेमा उपचाररत खगेन्द्र । तस्विर: अनिल श्रेष्ठ
  • मंसिर २४, २०७५
  • ५,८८० पटक पढिएको
  • अनिल श्रेष्ठ

विराटनगर/ वैदेशिक रोजगारबाट घर फर्किएर काठमाडौंबाट इटहरीका लागि रात्री बसमा यात्रा गरेका धनकुटाका एक युवालाई बेहोस बनाएर लुटपाट गरेको छ ।

दुबईबाट शनिबार नेपाल आइपुगेका धनकुटा साँघुरीगढी–३ का खगेन्द्र लिम्बू लुटिएका हुन् ।  लिम्बूलाई बेहोस मात्रै पारिएन काठमाडौंबाट इटहरीका लागि बस चढेका उनलाई विराटनगर बसपार्कमा ल्याएर बेवारिसे अवस्थामा बसका कर्मचारीले छोडिदिए ।

आफन्तले सम्पर्क गर्दासँगै यात्रा गरेका एक व्यक्तिले अवस्थाबारे बताएपछि भेट्न आएका आफन्तले आइतबार बिहान लिम्बूलाई अचेत अवस्थामा फेला पारेका थिए । ‘हामीले आइतबार बिहान भेट्दा चिसो र कठ्यांग्रिएको अवस्थामा फेला पार्यौ, उनी पुरै बेहोस थिए,’ खगेन्द्रका दाजु प्रेमकुमार लिम्बूले भने, ‘त्यसपछि कोशी अस्पतालमा लग्यौँ र अहिले नोबेल अस्पतालमा उपचार गराइरहेका छौं ।’

गत वैशाखमा दुबई गएका उनी भतिजीको विवाहका लागि केही पैसा लिएर घर फर्किएका थिए । तर, विचैमा उनी लुटपाटमा परे । नोबेल अस्पतालमा उपचार गराइरहेका उनले आफ्नो १ तोलाको औंठी, २६ हजार रुपैयाँ नेपाली रुपैयाँका साथै ५ सयभन्दा बढी दिराम लुटिएको बताएका छन् ।

‘राती साढे ३ बजेको थियो होला,’ नोबेल अस्पतालको आइसियु कक्षमा उपचाररत उनले भने, ‘त्यसपछिको अवस्था मलाई थाहा छैन, अहिले पनि म कसरी र किन यहाँ आइपुगे भन्नेबारे जानकारीमा छैन ।’

वडा प्रहरी कार्यालय विराटनगरले बसका सहचालक तथा १ जना कर्मचारीलाई पक्राउ गरेको जनाएको छ । ना ६ ख १५६१ नम्बरको कोशी पशुपतीमा यात्रा गरेका उनी लुटिनु भनेको यात्रुहरु असुरक्षित हुनु भएको उनका आफन्त सन्तोष लिम्बूको भनाइ छ ।

बसपार्कमा बेहोस भेटिएका उनलाई कोशी अस्ताल भर्ना गरिएको थियो । उक्त अस्पतालमा उपचार हुन नसक्ने बताएपछि नोबेलको आइसियुमा राखेर उनको उपचार भइरहेको छ ।

डाक्टरले उनलाई विष सेवन गरेको बताएको आफन्तको दाबी छ । खानामा मिसाएर विष दिएको हुनसक्ने खगेन्द्रका आफन्त सन्तोषको भनाइ छ । प्रहरीले घटनाको अनुसन्धान भइरहेको जनाएको छ ।

घटनामा बसका चालक तथा कर्मचारीको मिलेमतोमा लुटपाट भएको आशंका रहेको आफन्त बताउँछन् ।

 

सीपले बनायो आत्मनिर्

दमक/ झापाको शिवसतासी नगरपालिका–८ की निशा अधिकारी

विप्लव नेकपा र नेपाल

सरकारले गैरसंवैधानिक र गैरकानूनी हर्कत गरेको भन्दै विप्

कचनकवलमा  २ हजार बिघ

भद्रपुर/ धान रोप्ने मेसिन किसानको पहुँचमा पुगेपछि यस वर

नेपाली  फिल्मका  रङ्

होलीले मेरो रङ्गायो नयाँ चोली फागुन महिनामा खेलौं होली


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved