शिवराम र रवि शीर्ष स्थानमा तेस्रो सूर्य नेपाल गल्फ टुर

alt
  • पुष १२, २०७५
  • ११५ पटक पढिएको
  • ब्लाष्ट खबर

धरान/ प्रो. शिवराम श्रेष्ठ र प्रो. रवि खड्का समान ४ अण्डर ६६ कार्ड खेल्दै सूर्य नेपाल इर्षटन ओपन गल्फ टुरमा पहिलो दिन संयुक्त रूपमा शीर्ष स्थान बनाएका छन् । धरानस्थित निर्वाणा कन्ट्री क्लब तथा गल्फ रिसोर्टको १८ होल पार ७० को कोर्षमा बुधबारदेखि जारी टुरमा प्रो. श्रेष्ठ र खड्काले टाइ गर्दै शीर्ष स्थान बनाएका हुन् ।

श्रेष्ठले फ्रन्ट नाइनमा लेभल पार ३६ खेल्दा ब्याक नाइनमा दशौं, १२ औं, १५ औं र १७ औं होलमा बर्डी गर्दै ४ अण्डर ३० खेले । श्रेष्ठले फ्रन्ट नाइनको पहिलो र चौथो होलमा बुगी खेपेका थिए । खड्काले भने फ्रन्ट नाइनको २ र ९ औं होलमा बर्डी गर्दै २ अण्डर ३४ खेले । ब्याक नाइनमा १२ औं र १६ औं होलमा बर्डी गर्दै २ अण्डर ३२ खेले । तर, उनले १७ औं होलमा बुगी खेपे ।

१८ होलको समाप्तिमा प्रो. सञ्जय लामा र घरेलु एमेच्योर सुक्रबहादुर राईले लेभल पार ७० कार्ड बनाएका छन् । लामाले फ्रन्ट नाइन लेभल पार ३६ खेल्दा ब्याक नाइनमा लेभल पार ३४ खेलेका थिए । एमेच्योर राईले फ्रन्ट नाइन १ अण्डर ३५ खेल्दा ब्याक नाइनमा १ ओभर ३५ खेले ।

प्रो. भुवन नगरकोटी, प्रो. विकास अधिकारी, गतवर्ष मात्रै प्रो. र्टन भएका घरेलु प्रो. शिवकुमार माझी, र प्रो. थामबहादुर राईले समान १ ओभर ७१ कार्ड बनाएका छन् । घरेलु प्रो. बलभद्र राई र एमेच्योर बबिन्द्र राई समान २ ओभर ७२ खेलेका छन् । प्रो. बलभद्रले फ्रन्ट नाइन ३ ओभर ३९ कार्ड बनाउदा ब्याक नाइनमा १ अण्डर ३३ खेलेका थिए । एमेच्योर बबिन्द्रले पनि फ्रन्ट नाइन ३ ओभर ३९ कार्ड बनाउदा ब्याक नाइनमा १ अण्डर ३३ खेलेका थिए ।

प्रो. रामे मगर, एमेच्योर सुक्रराज राई, एमेच्योर जीवन राई र एमेच्योर युवराज भुजेलले समान ३ ओभर ७३ कार्ड बनाएका छन् । प्रतियोगितामा ३४ प्रोसहित ५६ गल्फरहरूले स्पर्धा गरिरहेका छन् । शुक्रबारसम्म चल्ने प्रतियोगितामा बिहीबारको खेल नतिजाअनुसार २१ जना व्यवसायिक खेलाडी तेस्रो दिनका लागि छनौट हुनेछन् भने एमेच्योरतर्फ पनि ६ जना मात्रै ५४ होलका लागि स्पर्धा गर्ने छन् ।

नेपाल प्रोफेसनल गल्फर एसोसिएसनको आयोजनामा जारी खेलको मूख्य प्रायोजक सूर्य नेपाल प्रालि हो । शनिबार भने प्रो–एम गल्फ हुने छ ।

विजेताले नगद एक लाख २० हजार रुपैयाँसहित ट्रफी पाउने छ भने दोस्रोले नगद ७७ हजार र तेस्रोले ५५ हजार रुपैयाँसहित ट्रफी पाउने छन् । त्यस्तै २१ जना व्यवसायिक खेलाडीहरूले नतिजाका आधारमा कुल रकम ६ लाख ६१ हजार ५ सय रुपैयाँ वितरण हुने आयोजकले जनाएको छ । कुल ५४ होल पार २१० को खेल हुने छ ।

सीपले बनायो आत्मनिर्

दमक/ झापाको शिवसतासी नगरपालिका–८ की निशा अधिकारी

विप्लव नेकपा र नेपाल

सरकारले गैरसंवैधानिक र गैरकानूनी हर्कत गरेको भन्दै विप्

कचनकवलमा  २ हजार बिघ

भद्रपुर/ धान रोप्ने मेसिन किसानको पहुँचमा पुगेपछि यस वर

नेपाली  फिल्मका  रङ्

होलीले मेरो रङ्गायो नयाँ चोली फागुन महिनामा खेलौं होली


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved