मेक्सिकोको टलजिओका मेयरमाथि सपथ लिएको दुई घण्टामै हत्या

alt
  • पुष १९, २०७५
  • २९८ पटक पढिएको
  • ब्लाष्ट खबर

धरान । मेक्सिकोमा एक मेयरलाई सपथ लिएको दुई घण्टापछि नै हत्या गरिएको छ ।

मेक्सिकोको ओलास्का राज्यको टलजिकोका मेयर अलेजेन्ड्रो अप्रिसिओलाई सपथ लिएको दुई घण्टापछि नै हत्या गरिएको हो । उनले स्थानीय समयअनुसार बिहीबार सपथ लिएको केही समयपछि आफ्ना समकक्षीसँगको छलफलमा जाने क्रममा हत्या गरिएको हो । हत्या किन र के कारणले गरियो भन्ने हालसम्म खुल्न नसकेको विदेशी सञ्चारमाध्यमले जनाएको छ । उनी सोही सहरको एक हलमा छलफलमा लागि जाने क्रममा एक अज्ञात बन्दुकधारीले अन्धाधुन्द चलाएको गोलीका कारण उनी गम्भीर घाइते हुन पुगेका थिए ।

मेयर अप्रिसियोसहित तीनजनामाथि गोली लागेको छ । उनीहरूलाई तत्कालै स्थानीय अस्पतालमा उपचारका लागि पु¥याइए पनि अप्रिसिओको मृत्यु भइसकेको चिकित्सकहरूले बताएका थिए । उनको गोली लागेका कारण आन्तरिक रक्तश्राव बढी भएका कारण मृत्यु हुन पुगेको उल्लेख छ । उनको दाहिने फोक्सोमा गोलीले छेडेको थियो । अन्य दुई जनाको अवस्था गम्भीर छ । उनीहरूको उपचार भइरहेको छ ।

अप्रिसिओले आफ्ना समर्थकहरूलाई धन्यवाद ज्ञापन गर्नका लागि बिहीबार कार्यक्रम गर्ने तयारीमा थिए । त्योभन्दा अघि नै उनीमाथि गोली प्रहार भएको थियो । सामाजिक सञ्जाल फेसबुक पेजमा खिचिएको एक भिडियोमा मेयर अप्रिसिओमाथि गोली प्रहार भएको स्थानमा दर्जनबढी नागरिकहरू रहेका थिए । कस्ले गोली चलाएको हो भन्ने यकिन गर्न सक्ने अवस्था उक्त प्रत्यक्ष भिडियोमा पनि देख्न सकिदैन ।

तर, एक ३४ वर्षीय व्यक्तिलाई अप्रिसिओको हत्या आरोपमा प्रहरीले पक्राउ गरेको छ । शंकास्पद ती व्यक्ति छिमेकी राज्य चिअपसको रहेको मेक्सिको प्रहरीले उल्लेख गरेको छ ।

विभिन्न विदेशी मिडियाको सहयोगमा

सीपले बनायो आत्मनिर्

दमक/ झापाको शिवसतासी नगरपालिका–८ की निशा अधिकारी

विप्लव नेकपा र नेपाल

सरकारले गैरसंवैधानिक र गैरकानूनी हर्कत गरेको भन्दै विप्

कचनकवलमा  २ हजार बिघ

भद्रपुर/ धान रोप्ने मेसिन किसानको पहुँचमा पुगेपछि यस वर

नेपाली  फिल्मका  रङ्

होलीले मेरो रङ्गायो नयाँ चोली फागुन महिनामा खेलौं होली


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved