प्रहरीको पोल्टामा सभामुख कप भलिबल

alt
  • पुष २४, २०७५
  • २७३ पटक पढिएको
  • धनबहादुर पुरी

इटहरी/ दोश्रो सभामुख कप राष्ट्रिय भलिबल प्रतियोगिताको उपाधि नेपाल पुलिस क्लबले जितेको छ ।

सोमबार अर्को विभागीय टिम नेपाल आर्मीलाइ ३–१ को सेटले पराजित गर्दै पुलिसले उपाधि उचाल्दै नगद ४ लाख रुपैयाँ हात पारेको छ । उपविजेता बनेको आर्मीले नगद २ लाख रुपैयाँसहित ट्रफी पाएको छ । पुलिसले आर्मीलाई २६–२४, २२–२५, २५–२१ र २५–१७ को सेटमा हराएको थियो ।

प्रतियोगितामा विभागीय टिम एपीएफ तेस्रो बनेको छ । उसले गण्डकी प्रदेशलाई ३–० को सोझो सेटमा पराजित गर्दै तेस्रो बनेको हो । एपीएफले २५–२२, २५–१६ र २६–२४ को सेटमा गण्डकीलाई हराएको हो । उसले नगद १ लाख रुपैयाँसहित ट्रफी पाएको छ ।

प्रतियोगितामा उत्कृष्ट खेलाडी नेपाल आर्मीका धनबहादुर भट्ट घोषित हुँदै २४ इञ्चको एलइडी टिभी प्राप्त गरे । यस्तै उत्कृष्ट स्पाइकर पुलिसका कुलबहादुर थापा, उत्कृष्ट ब्लकर पुलिसकै दिपक जोशी, उत्कृष्ट सेटर पुलिसकै एमबहादुर मगर घोषित भए ।

यस्तै उत्कृष्ट डिफेन्डर आर्मीका ईश्वर थापा र उत्कृष्ट क्विकर आर्मीकै भैरव बम घोषित भए । उत्कृष्ट प्रशिक्षक पुलिसका सरोज श्रेष्ठ भए । उनीहरूले जनही नगद ५ हजारसहित ट्रफी र प्रमाण–पत्र प्राप्त गरे ।

विजयी खेलाडीहरूलाई राष्ट्रिय खेलकुद परिषदका सदस्य सचिव केशव बिष्ट, बोर्ड सदस्य शम्भु आचार्य, पूर्वाञ्चल खेलकुद विकास समितिका अध्यक्ष रबिन नगरकोटी, एन्फा सुनसरी अध्यक्ष केशव कार्कीलगायतले पुरस्कार वितरण गरे ।

सुनसरी जिल्ला खेलकुद विकास समितिको आयोजनामा भएको प्रतियोगितामा तीन विभागीय टिमसहित ७ वटै प्रदेशका टिमहरू सहभागी बनेका थिए ।
तस्बिरः ब्लाष्ट

सीपले बनायो आत्मनिर्

दमक/ झापाको शिवसतासी नगरपालिका–८ की निशा अधिकारी

विप्लव नेकपा र नेपाल

सरकारले गैरसंवैधानिक र गैरकानूनी हर्कत गरेको भन्दै विप्

कचनकवलमा  २ हजार बिघ

भद्रपुर/ धान रोप्ने मेसिन किसानको पहुँचमा पुगेपछि यस वर

नेपाली  फिल्मका  रङ्

होलीले मेरो रङ्गायो नयाँ चोली फागुन महिनामा खेलौं होली


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved