साफ महिला च्याम्पियनशीपको तयारी

alt
  • पुष २७, २०७५
  • १०९ पटक पढिएको
  • ब्लाष्ट खबर

विराटनगर/ विराटनगरमा हुन लागेकोे पाँचौं साफ महिला च्याम्पियनशीप फुटबल प्रतियोगिताको तयारी तीव्र पारिएको छ । अखिल नेपाल फुटबल सङ्घ (एन्फा) को आयोजनामा आगामी फागुन २८ देखि चैत ८ गतेसम्म हुने उक्त प्रतियोगिताका लागि तयारी तीव्र पारिएको हो ।

यस प्रतियोगिताका लागि विराटनगरस्थित चारवटा खेलमैदानको स्तरोन्नतिको काम भइरहेको एन्फाका उपमहासचिव वसन्त अर्यालले जानकारी दिए । मुख्य खेल मैदानको रूपमा शहीद मैदानको व्यवस्थापन भइरहेको छ ।

त्यसबाहेक दिल्ली पब्लिक स्कुल, प्रदेश प्रहरी तालिम केन्द्र रानी र विराटनगर जुट मिलको खेलमैदानलाई अभ्यासका लागि मर्मत शुरु गरिएको अर्यालले बताए । प्रतियोगितामा नेपाल, भारत, भुटान, पाकिस्तान, बङ्गलादेश, मालदिभ्स र श्रीलङ्काका राष्ट्रिय महिला फुटबल टिमको सहभागिता हुनेछ ।

प्रतियोगितामा अन्तर्राष्ट्रियस्तरबाट ३ सयभन्दा बढी प्रतिनिधि, खेलाडी तथा खेल प्रशंसकको प्रत्यक्ष उपस्थिति रहने बताइएको छ ।

‘प्रतियोगितामा आवश्यक पर्ने खेल संरचनाको मर्मत र स्तरोन्नतिको काम धमाधम भइरहेको छ,’ एन्फाका उपमहासचिव अर्यालले भने, ‘मुख्य खेलमैदान शहीद रङ्गशाला परिसरमा चेञ्जिङ रुम व्यवस्थापनको काम अन्तिम चरणमा पुगेको छ ।’ मुख्य मेलमैदान तथा अभ्यास मैदानको लेभलिङ, माटो फिटिङको काम धमाधम भइरहेको उनको भनाइ छ ।

विराटनगर महानगरपालिकाले मैदान आसपासको सडकको कालोपत्रे गर्ने, मैदान भित्रै आवश्यक पर्ने संरचना निर्माण गर्ने र मैदान पेरिफेरि रङ्गरोगनको कामसमेत थालिएको छ ।

प्रतियोगिताका लागि महानगरले रङ्गशालामा खेलकुद प्रयोजनका लागि भौतिक पूर्वाधार निर्माण गर्ने विषयमा विराटनगर महानगरपालिका र एन्फाबीच यस अघि नै सम्झौता भएर काम अगाडि बढाइएको प्रमुख भीम पराजुलीले जानकारी दिए ।

प्रतियोगिताको माध्यमबाट प्रदेश–१ का विभिन्न पर्यटकीय क्षेत्रलाई समेत टेवा पुग्ने भएकाले प्रतियोगिताको आयोजनामा कुनै कमजोरी आउन नदिने उनले बताए ।

राखेपका सदस्य सचिव केशवकुमार विष्टले विराटनगरमा हुन लागेको यस खालको प्रतियोगिता प्रदेश–१ का लागि ठूलो अवसर भएकाले यसलाई सफल बनाउन सबैको दायित्व भएको बताए ।

विराटनगरको शहीद रङ्गशाला निरीक्षण गर्दै राखेपका सदस्य सचिव केशवकुमार विष्टसहित एन्फाका पदाधिकारीहरू ।

सीपले बनायो आत्मनिर्

दमक/ झापाको शिवसतासी नगरपालिका–८ की निशा अधिकारी

विप्लव नेकपा र नेपाल

सरकारले गैरसंवैधानिक र गैरकानूनी हर्कत गरेको भन्दै विप्

कचनकवलमा  २ हजार बिघ

भद्रपुर/ धान रोप्ने मेसिन किसानको पहुँचमा पुगेपछि यस वर

नेपाली  फिल्मका  रङ्

होलीले मेरो रङ्गायो नयाँ चोली फागुन महिनामा खेलौं होली


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved