रणभूमी बन्याे अर्जुनधारा नगरपालिका, प्रहरीसहित दुई घाइते, नगरप्रमुख कार्यालयमा थुनिए(तस्विरसहित)

alt
  • माघ २०, २०७५
  • ४,१९८ पटक पढिएको
  • प्रेम आचार्य

बिर्तामोड /  ठेकेदारले खोलाजन्य सामग्री ढुवानीमा रोक लगाए पछि आन्दोलित मजदुरले आइतबार अर्जुनधारा नगरपालिका कार्यालय तोडफोड गरेका छन् ।
नारावाजी गर्दैं नगरपालिका कार्यालयमा पुगेका मजदुरले प्रदर्शन गरे पछि आइतबार दिनभर नगरको काम प्रभावित भएको छ । प्रदर्शनको समयमा नगरपालिकाको दुइवटै गेट बन्द गरेर मजदुरको समुहलाई भित्र प्रवेश गर्न रोक लगाइएको थियो । रोक लगाए पछि उनीहरुले भित्र ढुङ्गामुडा गरेका छन् ।

4
मजदुरको समुहले प्रहार गरेको ढुङगाले नगरपालिका कार्यालयको गेट, झ्यालको सिसा, चारवटा सरकारी गाडी, र ग्रिल तोडफोड गरेको प्रहरी चौकी शनिश्चरेका प्रमुख राजन खड्काले जानकारी दिए । नगरपालिकामा मजदुर प्रतिनिधि र नगरप्रमुखबीच भइरहेको छलफलका क्रममा बिमति राख्दै बाहिर निस्किएका मजदुरले तोडफोडमा उत्रिएको खड्काले जानकारी दिए । प्रदर्शनकारीको ढुङगा लागेर प्रहरी हवल्दार सोमनाथ खवास घाइते भएका छन् । प्रदर्शनकारीतर्फ पनि एक महिला घाइते भएको खड्काले जनाए ।

1 copy
आइतबार साँझसम्म कार्यालय घेराउ गरे पछि नगरप्रमुखलगायत नगरपालिकामा थुनिएका छन् । मजदुरले नगरपालिका भवनबाट पछि हट्न अटेर गरेपछि प्रहरीले लाठीचार्ज गरेर भिड लाई तितर बितर बनाएको छ ।
खोलाजन्य सामग्री संकलनको ठेक्का पाएको एसयुएस कन्ट्रक्सनले निकासी ठप्प पारेपछि हजारौं मजदुर बेरोजगार भएका छन् । नगरले तोकेको स्थानबाट निकालिएको सामग्री ओसार पसारमा निर्माण कम्पनिले रोक लगाएपछि खोलामा आश्रित मजदुहरु बेरोजगार भएका हुन् ।

 

सङ्घीय संसद्को अधिवे

  काठमाडौँ / राष्ट्रपति विद्यादेवी भण्डारील

लिम्बुवान नभएसम्म लड

पाँचथर / संघीय लोकतान्त्रिक राष्ट्रिय मञ्च संघीय ल

मलद्वारभित्र लागु औष

विराटनगर  /  अवैध लागूऔषध तस्करी गर्ने गिरोहल


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved