धरानमा होमस्टे सञ्चालन सहजीकरण

alt फायलफाेटाे
  • माघ २७, २०७५
  • ५०८ पटक पढिएको
  • ब्लाष्ट खबर

धरान/ ग्रामीण र पहाडी भू-भागमा पर्यटन पूर्वाधार विकास गर्नका लागि स्थानीयलाई होमस्टे (घरबास) सञ्चालनका लागि उत्प्रेरित गरिएको छ । धरान उपमहानगरपालिकाको धरान पर्यटन विकास समितिले दुई दिने सहजीकरण कार्यक्रम आयोजना गरेपछि नौं वडा समुदाय होमस्टे गर्न तयार भएका छन् ।

बिहीबार र शुक्रबार होटल सेछमा आयोजित सहजीकरण कार्यक्रममा धरान ४ र २० का नौं समुदायले विभिन्न सामुदायिक होमस्टे सञ्चालन गर्ने प्रतिवद्धता व्यक्त गरेका हुन् । धरान–४ को देवीथान, सेर्गे, सिरिगाउ, हर्दिया, पत्रङबारी र वसन्तटारमा होमस्टेका लागि तयारी गर्ने सहभागीहरूले प्रतिबद्धता व्यक्त गरेका छन् ।

त्यस्तै, धरान–२० को चिण्डेडाँडा, माछामारा र कोकाहा सामुदायिक होमस्टे सञ्चालन गरिने भएको हो । सो कार्यक्रममा चक्र राईको संयोजकत्वमा नौं समुदायका एक–एक सदस्य रहेको धरान सामुदायिक होमस्टे एसोसिएसनसमेत गठन गरिएको छ ।

धरान उपमहानगरपालिकाकी कार्यवाहक प्रमुख मञ्जु भण्डारीले उद्घाटन गरेको सहजीकरण कार्यक्रमको समापन भने प्रदेशसभा सदस्य उमिता बराइलीले गरेकी थिइन् । सहभागीहरूलाई होमस्टे एसोसिएसन नेपालका वरिष्ठ उपाध्यक्ष यदुमणि निरौला पर्यटनकर्मी वासुदेव बराल र मोहन श्रेष्ठले होमस्टे सञ्चालन पर्यटनका तत्व, पर्यटन बजारीकरणबारे जानकारी गराएका थिए ।

धरान पर्यटन विकास समितिकी सदस्य एलिना मगरको संयोजकत्वमा भएको कार्यक्रममा समितिका सहसंयोजक किशोर थुलुङले होमस्टे सञ्चालनका लागि उपमहानगरपालिकाकाले आगामी वर्षदेखि बजेट विनियोजन गरेर सहयोग गर्ने प्रतिबद्धता व्यक्त गरेका थिए । कार्यक्रममा ३५ जना सहभागी थिए ।

पथरी क्याम्पसमा स्ना

पथरी । मोरङको पथरीशनिश्चरे–१, स्थित पथरी बहुमुखी

धरानमा मन्त्र व्याण्

जिरोपोइन्ट/ यही फागुन १२ गते धरानमा मन्त्र व्याण्ड आउने

धर्मेन्द्रको ‘कता हि

गायक धर्मेन्द्र सेवनको स्वरमा नयाँ गीतको म्युजिक भिडियो

ताप्लेजुङका व्यवसायी

ताप्लेजुङ/ बैंकको ब्याजदर वृद्धि भएको भन्दै ताप्लेजुङका


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved