अलपत्र योजना  गाउँपालिकाले शुरु गर्ने

alt
  • चैत्र २८, २०७५
  • १३२ पटक पढिएको
  • रमेश थापा

यासोक/ पाँचथरको सुख्खाक्षेत्र कुम्मायक गाउँपालिकामा चार महिनाअघि पाँच वटा डिप बोरिङको काम सम्पन्न भयो । खानेपानीको हाहाकार भएको गाउँपालिकामा प्रदेश सरकारले १ करोड ६० लाखमा पाँच वटा डिप बोरिङ गरिएको थियो । तत्कालै तीन वटा डिप बोरिङ उत्खनन् पछि खानेपानी योजना सञ्चालन भयो । तर थप गरिएका दुई वटा योजना अलपत्र अवस्थामा छाडेको डेढ महिनापछि गाउँपालिकाले व्यवस्थापन गर्ने भएको छ । 
 
खानेपानी प्रभावित क्षेत्रमा गरिएको डिप बोरिङ योजना सञ्चालन नहुँदा स्थानीयले खानेपानीको उपभोग गर्न पाएका थिएनन् । डिप बोरिङ गरिएको कुम्मायक–५ को बिजुवापानी र रानीगाउँ–३ को देवलमा खानेपानीको सफल परीक्षण गरिएको थियो । खानेपानीको व्यवस्थापन कसले गर्ने भन्ने विषय टुङ्गो नलागेका कारण लामो समय लागेको खानेपानी उपभोक्ता समितिका उपाध्यक्ष मेघराज निरौलाले बताए । प्रदेश सरकारले ६० लाख रुपैयाँ खानेपानीको उत्खनन्का लागि मात्रै पठाएकाले बाँकी रहेको व्यवस्थापनको काम गाउँपालिकाले गर्न लागेको उनले बताए ।
 
गाउँपालिकाले दुबै डिप बोरिङ खानेपानी योजना सञ्चालनको लागि २९ लाख रुपैयाँ विनियोजन गरेको छ । गाउँपालिकाको अधिवेशनले योजना सञ्चालनका लागि उक्त रकम विनियोजन गरेको हो । विनियोजित रकमले योजनामा आवश्यक पर्ने पम्प, विद्युत र पाइप खरिद गर्ने गाउँपालिका अध्यक्ष जयबहादुर चेम्जोङले बताए । पहिलो चरणमा गरिएको डिप बोरिङमा आवश्यक पर्ने पाइप र पम्प डिभि जन कार्यालयले खरिद गरेको थियो ।
 
तर दोस्रो चरणको योजनामा प्रदेशले उत्खनन्का लागि मात्रै बजेट छुट्याएकाले केही ढिला भएको हो । गाउँपालिकाले बजेट विनियोजन गरेसँगै खानेपानी व्यवस्थापनको बाटो खुलेको छ । केही दिनमै उपभोक्ता समितिले योजनाको काम अघि बढाउने गरी तयारी थालेकोे छ । योजना सञ्चालनपछि प्रभावित क्षेत्रका ३ सय ७८ घरधुरी लाभान्वित हुने भएका छन् ।

प्रदेश १ को बजेट ४२

विराटनगर /  १ नम्बर प्रदेश सरकारले आर्थिक वर्ष २०७

उर्लाबारी सरकारले 'ज

उर्लाबारी / उर्लाबारी नगरपालिकाले धिमाल जातिहरुको

हात्तिसार क्याम्पसको

धरान / धरानको पर्यटकीय क्षेत्र विजयपुरस्थित केन्द्


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved