प्राकृतिक स्रोत–साधन दोहनप्रति सांसद्को साझा गुनासो ‘सरकारले कान सुन्दैन, अचम्म लाग्छ’

alt
  • चैत्र २९, २०७५
  • २२४ पटक पढिएको
  • ब्लाष्ट खबर

रङ्गेली/ मापदण्ड विपरीत प्राकृतिक स्रोत साधन दोहन भइरहेकोप्रति प्रदेश सांसद्ले गम्भीर चासो व्यक्त गरेका छन् ।

प्रदेश सरकारले नियमभन्दा बाहिर रहेर स्रोत–साधन दोहन भए पनि चासो नदेखाएकोप्रति आक्रोस पोखेका हुन् । प्रदेश सांसद् कुलप्रसाद साम्बाले प्राकृतिक स्रोत–साधन दोहन रोक्न प्रदेश सरकार लाग्नुपर्ने बताए । प्रदेशसभाको बैठकका बेला–बेला चर्किंदै आएको यो मुद्दा फेरि एकपटक चुलिएको छ ।

मनपरी रूपमा दोहन भइरहेकोप्रति प्रदेश सांसद् सुयर्माराज राईले पनि गम्भीर चासो देखाए । उनले प्रदेश सरकारले क्रसर उद्योगलाई नियन्त्रण गर्न नसकेको दाबी गरे । उनले यसअघि पनि पटक–पटक क्रसर नियन्त्रण गर्नुपर्ने आवाज उठाउँदै आइरहे पनि सुनुवाइ भएको छैन । उनले भने, ‘सरकार कान सुन्दैन ? अचम्म लाग्छ ।’ प्राकृतिक स्रोत दोहनको विषयमा जनता आन्दोलित हुँदासमेत सरकार मुकदर्शक बनेको उनको आरोप छ । उनले नियमविपरीत दर्जनौं उद्योग सञ्चालनमा रहेको दाबी गरे ।

प्रदेश सरकारप्रति सांसद्को फरक–फरक गुनासो पनि सुनिएको छ । सांसद् ज्योति सुब्बाले प्रदेश सरकारले आस्थाको आधारमा योजना र कार्यक्रम दिएको आरोप लगाइन् । प्रदेश सरकारको भूमि, व्यवस्था तथा सहकारी मन्त्रालयले पाउडर दूध उत्पादन गर्न सहकारीसँग आस्थाको आधारमा सम्झौता गरेको दाबी गरिन् ।

बिहीबार बसेको प्रदेशसभा बैठकबाट पर्यटन प्रवद्र्धन सम्बन्धमा बनेको विधेयक ‘उद्योग पर्यटन तथा वातावरण समिति’ मा दफावार छलफलका लागि पठाइएको छ । उक्त प्रस्ताव सामाजिक विकास मन्त्री जीवन घिमिरेले गरेका थिए ।

संखुवासभाबाट ५ केजी ...

संखुवासभा / संखुवासभाको भाेटखाेला-२ लिङगाममा ५ केेेजी स ...

घुमाउने वहानामा बलात ...

धरान / घुम्ने वहानामा एक युुवतीलाई जंगलमा लगि बलात ...

कर विरुद्ध साामुदायि ...

पथरीशनिश्चरे / तेहेरो कर लिने गरी बनेको कानूनको वि ...

इटहरीमा भाईले दिदीला ...

धरान  / सुनसरीको इटहरीमा आफ्नै भाइले खुकुरी प ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved