पथरी / मोरङको पथरीस्थित कस्मेटिक पसल गरे बस्ने आफ्नै डेरा अगाडी नग्न अवस्थामा मृत फेला परेकी २९ बर्षीय रिना बस्नेतको हत्या रहस्यमय बनेको छ ।
बेलुका कन्सर्ट हेरेर राती ११ बजे १४ बर्षीय छोरासँगै डेरा फर्केकी रिना विहान डेरा अगाडी मृत भेटिएकप् थिइन । उनको भित्री तथा बाहिरी लुगा सबै उनको कोठामा फेला परेको प्रहरीले जनाएको छ ।
उनको शवलाई पोष्टमर्टमका लागि वीपी कोइराला स्वास्थ्य विज्ञान प्रतिष्ठानको फरेन्सिक विभागमा ल्याएको छ । उनको खुट्टामा बालुवैबालुवा रहेकाले उनलाई बलात्कार गरी हत्या गरिएको आशंका स्थानीयले गरेका छन् । तर, प्रहरीले भने घट्नाबारे गम्भीर रुपमा अनुसन्धान भइरहेकाले अहिले यसै भन्ने अवस्था नआएको इलाका प्रहरी कार्यालय पथरीका इन्स्पेक्टर कमल बजगाईले बताए ।
मृतक बस्नेतको शव नग्न अवस्थामा घोप्टो परेको अवस्थामा रहेको छ । उनको शरिरबाट रगत पनि बगेको छ । प्रहरीका अनुसार मृतक बस्नेतले शुक्रबार राती मदिरा सेवन गरेकी थिइन् । छोराले पनि वियर आमाले खाएको बयान दिएको प्रहरीले जनाएको छ । उनका श्रीमान् वैदेशिक रोजगारीमा दुवइमा छन् । उनी छोरासँगै पथरी १ मा बस्दैं आएकी थिइन ।
उद्योग बाषिज्य संघकाे ध्यानाकर्षण
एस आर एस कस्मेटिक एण्ड गिफ्ट हाउसकी संचालक रिनाको हत्याको सत्यतथ्य पता लगाउन माग गर्दै पथरी उद्योग बाणिज्य संघले माग गरेको छ । आज विज्ञप्ति जारी घट्नाबारे गम्भीर ध्यानाकर्षण भएको जनाइउको छ । संघ अध्यक्ष दिपक बस्नेत र महासचिव अशोक राईले विज्ञप्ति जारी गदैं पथरी असुरक्षित भएको बताएका छन् । प्रहरी प्रशासनको कमजोरीका कारण पथरीमा हत्याको घट्नाहरु बढेको भन्दै ध्यानाकर्षण गराएका छन् ।
पथरीमा यस अघि गत फागुन १५ गते सिका बार नजिकैको सडकमा मृत भेटिएका मोरङको पथरीशनिश्चरे ७ का २७ वर्षीय षडराज तामाङको हत्यारा पनि प्रहरुलिे हालसम्म लगाउन सकेको छैन् । अनुसन्धान जारी राखेको बताउदै आएको प्रहरीलाई फुरी रिनाका ेहत्यारा पत्ता लगाउने चुनौती थपिएको छ । पीडित पक्ष प्रहरी कार्यालयमा पुगेर सत्यतथ्य चाँडै बाहिर ल्याउनुपर्ने दवाव दिइरहेका थिए ।
