दूधपानीको बुद्धलाई संरक्षण गर्न माग

alt
  • जेठ १, २०७६
  • २१२ पटक पढिएको
  • सन्ताेष गुप्ता

वराहक्षेत्र/ वराहक्षेत्रको चतराघाटस्थित पुरानो बुद्धको चित्र अङ्कित ढुङ्गालाई संरक्षण गर्दै पर्यटकीय स्थलको रूपमा विकास गर्न वराहक्षेत्रवासीले माग गरेका छन् ।

वराहक्षेत्र नगरपालिका वडानम्बर १ चतराघाटको दूधपानी खोलामा रहेको ठूलो ढुङ्गामा कुँदिएको बुद्धको चित्र र बुद्धको वचन अङ्कित ढुङ्गाको पुनरोद्धार गर्न स्थानीयले माग गरेका हुन् ।

चतराघाटको दूधपानी खोलाको किनारमा बनाउन लागिएको बुद्ध विहारका लागि काठमाडौंका सागर लामाले ३५ फिट उचाइ र २२ फिट चौडाइको ठूलो चट्टानमा बुद्धको पूर्णको कदको चित्र र तिब्बतीमा भाषामा बुद्धका उपदेश कुँद्न लगाएको स्थानीय कवि तथा धार्मिक अभियन्ता कवि मान बज्राचार्यले बताए ।

‘त्यस स्थानमा विगत २०२२ सालमा मेरो पहलमा धरानबाट भिक्षु–भिक्षुणी ल्याएर ठूलो बुद्ध विहार बनाउने योजना गरिए पनि सफल हुन सकेको छैन । यदि विहार बनाउन सके वराहक्षेत्र घुम्न र वराह भगवानको दर्शन गर्न आउनेले ढुङ्गामा अङ्कित बुद्धको दर्शनसँगै बुद्धको पवित्र वचन पनि पढेर आनन्द लिन सक्थे’ कवि बज्र्राचार्यले, ‘तर जथाभावी मान्छे आएर बसोबास गर्ने र सम्झाउँदा पनि अटेर गरेको हुँदा बुद्ध विहारको काम बीचैमा रोकियो ।’

त्यहाँ रहेको मुख्य बुद्धको चित्र भएको ढुङ्गाको वरिपरि अहिले घाँसपात बढेर पूरै छोपेको छ भने पञ्चशिल वचन भएका अन्य ढुङ्गा चाहिँ देखिने गरी रहेको स्थानीय सामाजिक सम्मान समितिका अध्यक्ष तथा उक्त स्थानको संरक्षण र सम्बद्र्धनमा लागेका पहलकर्ता वराहक्षेत्र–२ का विदुर भट्टराईले बताए ।

पवित्र सप्तकौशिकी (कोशी नदी) किनार र मनोरम प्राकृतिक हरियालीयुक्त जङ्गलको बीचमा रहेको सो स्थानको सरसफाइ गरी रङरोगन मात्र गर्ने हो भने पनि वराहक्षेत्रको धार्मिक पर्यटनमा अर्को इँटा थपिने भट्टराईले बताए ।

व्यस्त सहरका मस्त मा

धरानकाे भानु चाैकमा रहेकाे यात्रु प्रतिक्षालय अथवा विश्

हरियो चुरा र मेहन्दी

युवतीहरूलाई यतिबेला साउन लागेको छ । हरियो चुरा र मेहन्द

एनिमेसन स्टुडियोमा आ

टोकियो/ जापानको क्योटो शहरमा रहेको एक भवनमा रहेको एनिमे

‘पिण्डेश्वर देवताकै

साउनको महिना शुरु भएसँगै शिव मन्दिरहरूमा चहल–पहल


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved