चीनको आँधीमा ६ जनाको मृत्यु, १० हजार प्रभावित

alt
  • असार २०, २०७६
  • १७८ पटक पढिएको
  • रासस/सिन्ह्वा

लिओनिङ/ चीनमा आएको आँधीले बिहीबारसम्म झण्डै दश हजार जना प्रभावित भएका छन्न् ।

देशको उत्तरी लिओनिङ प्रान्तमा बुधबार आएको आँधीका कारण नौ हजार नौ सय जना प्रभावित भएको अधिकारीले जानकारी दिएका हुन् । आँधीमा परी कम्तीमा ६ जनाको मृत्यु भएको र अरू १ सय ९० भन्दा बढी घाइते भएको समाचारमा जनाइएको छ ।

स्थानीय कैयुना सहरमा प्रतिसेकेण्ड २३ मिटरको गतिमा स्थानीय समयअनुसार बुधबार बेलुका ५ः१५ मा आँधी आएको थियो । प्रभावित क्षेत्रमा प्रहरी, अग्नि नियन्त्रक, स्वास्थ्यकर्र्मीलगायत विभिन्न क्षेत्रका गरी आठ सयभन्दा बढी उद्धारकर्मी खटिएका छन् ।
घटनास्थलमा खोजी तथा उद्धारकार्य अहिले पनि जारी रहेको स्थानीय अधिकारीले जानकारी दिएका छन् । उद्धारकर्र्मी विभिन्न दश ओटा समूह बनाएर खटिएको र उनीहरूले घटनास्थलमा मान्छेको खोजी तथा उद्धार गर्नुका साथै घाइतेको उपचार गर्ने, विद्युत् लाइन जोड्ने, सडक खुलाउनेलगायतका काम गरिरहेका छन् ।

धेरै ठाउँमा अझै पनि सडक, विद्युत्लगायतका सेवा अवरुद्ध रहेको प्रभावित क्षेत्रमा खटिएकाले जनाएका छन् । आँधीका कारण औद्योगिक क्षेत्रमा रहेका एक दर्जनभन्दा बढी कारखाना भवन क्षतिग्रस्त भएका छन् । प्रकोपमा परी अरू ४३ सय घर भत्किएका छन् भने एक सय हेक्टर क्षेत्रफलमा रहेको बालीनाली पनि नष्ट भएको अधिकारीले जनाएका छन् ।

भत्किएका घरबाट झण्डै २१० जनालाई उद्धार गरिएको छ भने प्रभावित क्षेत्रबाट १६ सय जनालाई सुरक्षित स्थानमा लगिएको छ । उद्धार गरिएकामध्ये ६३ जनालाई अस्पताल भर्ना गरिएको स्थानीय सरकारले जनाएको छ ।

धरानलाई साझा उम्मेदव ...

नेपालीहरूको महान् चाड दशैं तिहार र छैठको रमझम सँगै यति ...

अवैध उत्खनन् गर्ने ‘ ...

विराटनगर/ सुनसरी र मोरङ जोड्ने केसलिया खोलाको पुल र सिङ ...

बञ्चरोले हानेर वृद्ध ...

विराटनगर/ बञ्चरो प्रहार गरेर रङ्गेली नगरपालिका– ९ ...

औषधि पसलबाट लागूऔषध ...

इटहरी/ पछिल्लो समय औषधि पसलबाटै लागूऔषध कारोबार बढ्न था ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved