प्रदेश १ का ४ सय ७३ प्रहरी कारबाहीमा

alt
  • असार २६, २०७६
  • ३६१ पटक पढिएको
  • धनबहादुर पुरी

इटहरी/ प्रहरी सङ्गठन विपरीत काम गरेको भन्दै १ नम्बर प्रदेश प्रहरी कार्यालय विराटनगरले चालू आर्थिक वर्षमा डिएसपीसहित ४ सय ७३ जना प्रहरीलाई कारबाही गरेको छ ।

चालू आर्थिक वर्षको अहिलेसम्म १ डिएसपी र दुई इन्स्पेक्टर सहित ४ सय ७३ जनालाई प्रहरी आचरणविरुद्ध काम गरेको भन्दै कारबाही गरेको हो ।

सङ्गठनविरुद्ध काम गर्ने एक डिएसपीले नसिहत पाएका छन् । १ जना डिएसपीलाई नसिहत र एक जनालाई निलम्बन गरिएको १ नम्बर प्रदेश प्रहरी कार्यालयले जनाएको छ । त्यस्तै १० जना सइ, ४८ जना असइ, १ सय २ जना हवल्दार र २ सय ७० जना प्रहरी हवल्दारलाई कारबाही गरिएको १ नम्बर प्रदेश प्रहरी कार्यालयका प्रवक्ता एसएसपी किशोरकुमार दाहालले बताए ।

सङ्गठनमा आर्थिक लेनदेन, अनैतिक सम्बन्ध, मादक पदार्थ सेवन, सङ्गठनको निर्देशन पालना नगर्ने, प्रहरी नियमवाली विरुद्ध काम गर्नेलाई धमाधम कारबाही भएकोे हो ।

आर्थिक प्रलोभनमा परेको, आर्थिक अनुशान भङ्ग गरेको, आन्तरिक अनुशासन भङ्ग गरेकाले कारबाही गरेको बताउँदै एसएसपी दाहाल भन्छन्, ‘हामीले सङ्गठनमा गल्ती गर्नेलाई कारबाही र राम्रो काम गर्नेलाई पुरस्कार दिने अभियान नै चलाएका छौं ।’ सङ्गठनमा केही हदसम्म सुधार आएको बताउँदै उनले आन्तरिक शुद्धीकरण चलिरहने जानकारी दिए ।

पूर्वका विभिन्न चौकी, इलाका, जिल्ला प्रहरी कार्यालयलगायतका ठाउँमा बस्दा आर्थिक चलखेल गरी घूस लिनुको साथै विभिन्न सामाजिक घटनामा संलग्न रहेकाहरूलाई आन्तरिक शुद्धीकरण गरिएको १ नम्बर प्रदेश प्रहरी कार्यालयले जनाएको छ । पूर्वमा १२ हजार ९ सय ७० प्रहरी दरबन्दी रहेको छ ।

सल्लेरी सहकारी पीडित ...

धरान । राजनितिक आडमा सहकारीको रकम हिनामिना गरेको आरोपमा ...

जयकुमार राईको नजरमा ...

मसिर १४ गते हुने उपनिर्वाचनमा नेकपाको तर्फबाट धरानको मे ...

शिक्षकद्वारा विद्यार ...

विराटनगर /  विराटनगर – ४ राजवंशी चौकस्थित अप ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved