कोशी अस्पताल डुवानमा, विराटनगर महानगरपालिका बेखबर (भिडियाेसहित)

alt
  • असार २६, २०७६
  • २२४ पटक पढिएको
  • अनिल श्रेष्ठ

विराटनगर /  लगातारको बर्षा र निकास नहुँदा डुवानमा परेको विराटनगरस्थित कोशी अञ्चल अस्पताल परिसरको पानी सशस्त्र प्रहरी र सुरक्षा गार्डको सहयोगमा निकाल्न सुरू गरेको छ ।
सशस्त्र प्रहरी बल ३ नम्बर गढ कंकालिनी मोरङका सहि केदार कटुवालको नेतृत्वमा आएको प्रहरी टोलीले कोशी अञ्चल अस्पताल परिसरमा जमेको पानी पम्पसिटबाट निकाल्न सुरू गरेको हो ।

मंगलबार रातीदेखि परेको वर्षा र पानीको सतह बढेपछि बिहीबार कोशी अस्पतालको परिसर डुवानमा परेको थियो । रोडको पानी अस्पताल भित्र पस्दा औषधि पसल सहितका प्रशासनिक भवनमा समेत पानी पसेर जलमग्न भयो ।

लगातारको वर्षा र अस्पताल भित्र पसेको पानीको निकास हुन नसक्दा आकस्मि कक्ष भित्र पनि पानी पस्न सक्ने खतरा बढेपछि पम्पसिटको माध्यमबाट पानी बाहिर फाल्न सुरु गरेको कोशी अञ्चल अस्पतालका मेडिकल सुपरिटेण्डेन्ट डा. रोशन पोखरेलले बताए ।

‘हिजोभन्दा आजा परेको मनसुनले पानीको सहत बढेको छ,’ उनले भने, ‘परेको पानी निकास हुन नसक्दा अस्पताल भित्र प्रवेशद्धारमै पानी जलमग्न छ ।’ सशस्त्र प्रहरी र अस्पतालको सुरक्षा गार्डको सहयोगमा अहिले पम्पसिटबाट जमेको पानी बाहिर फाल्न सुरु गरेको छ ।

मंगलबारदेखि परेको पानी बुधबार प्रशासनिक भवनको कार्यकक्षमा पानी छिरेको थियो । ढलको निकाश नगरी सडक उचो बनाईदिँदा अस्पताल भित्र पानी पसेको हो । पानीको निकाश नहुँदा अस्पतालमा उपचार गराउन आएका सेवाग्राहीलाई समेत समस्या हुँदै आएको छ ।

‘उपचारका लागि आएका बिरामी तथा अस्पतालका कर्मचारी जुत्ता खोलेर अस्पताल भित्र पस्नु पर्ने अबस्था आएको छ ।’ –डा. पोखरेलले भने, विराटनगर महानगरपालिकाले निकासको लागि कुनै चासो दिएको छैन ।’ अस्पताल चोकमा रहेको गोल्डेन अस्पतालदेखिको पानी कोशी अस्पतालमा छिरेको छ । ढलको निकास छैन भने सडकको पानीसमेत अस्पतालमा छिर्दा अस्पताल भित्र पानी जमेको हो ।

 

koshi 2

धरानलाई साझा उम्मेदव ...

नेपालीहरूको महान् चाड दशैं तिहार र छैठको रमझम सँगै यति ...

अवैध उत्खनन् गर्ने ‘ ...

विराटनगर/ सुनसरी र मोरङ जोड्ने केसलिया खोलाको पुल र सिङ ...

बञ्चरोले हानेर वृद्ध ...

विराटनगर/ बञ्चरो प्रहार गरेर रङ्गेली नगरपालिका– ९ ...

औषधि पसलबाट लागूऔषध ...

इटहरी/ पछिल्लो समय औषधि पसलबाटै लागूऔषध कारोबार बढ्न था ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved