राहतको पर्खाइमा पहिरोपीडित

alt
  • श्रावण ४, २०७६
  • १७२ पटक पढिएको
  • सन्देश किराती

भोजपुर । ट्याम्के मैयुङ गाउँपालिका–२ छिनामखुका गणेश राईको अविरल वर्षापछिको पहिरोले घर र गोठ बगाउँदा विस्थापित भएका छन् । उनको कुखुरा फार्मसमेत पहिरोले बगाएपछि थप समस्यामा परेको छ । आफ्नो व्यावसायसमेत पहिरोले लगेपछि सानो कटेरामा जीवन बिताइरहेका उनले कुनै निकायबाट हालसम्म राहात नपाएको बताए । उनका अर्का छिमेकी देवान राईको पनि अवस्था उस्तै छ ।

घर पहिरोले लगेपछि उनको अवस्था पनि दयनीय बनेको छ । धेरै वर्षपछि अविरल वर्षाको कारण कहिले पहिरो नगएको ठाउँमा पनि पहिरो जाँदा धेरै विस्थापित भएको छिनामखुका दिपचन्द्र राईले बताए । विस्थापितहरूलाई सरकारले तत्काल राहत दिनुपर्ने उनको भनाइ छ । जिल्लामा पहिरोबाट विस्थापित भएकाहरू घरपरिवारहरू पाल तथा छिमेकीको घरमा दुःखले रात काट्न बाध्य छन् । भोजपुरमा पहिरोबाट १ सय घरपरिवार विस्थापित भएको विपत् व्यवस्थापन समितिले जनाएको छ ।

bjp-1

केही दिनअघिको लगातारको वर्षात्का कारण पहिरोले घर पूर्ण तथा आंशिक क्षति हुँदा ती परिवार विस्थापित भएको विपत् व्यवस्थापन समितिका अध्यक्ष तथा प्रमुख जिल्ला अधिकारी नुरहरि खतिवडाले जानकारी दिए । विस्थापितमध्ये भोजपुर नगरपालिकामा १४ घरपरिवार, ट्याम्केमैयुङ्ग गाउँपालिकामा २६, पौवादुङ्मा गाउँपालिकामा २, आम्चोक गाउँपालिकामा ४४, रामप्रसादराई गाउँपालिकामा ९, अरुण गाउँपालिकामा १, हतुवागढी गाउँपालिकामा ३ र साल्पासिलिछो गाउँपालिकामा १ रहेका छन् । त्यस्तै जिल्लाका विभिन्न स्थानीय तहमा १६ घर पूर्ण रूपमा क्षतिग्रस्त भएका छन् भने ५८ घरमा आंशिक रूपमा क्षति पुगेको छ ।

पहिरोले घर पुरिंदा रामप्रसाद राई गाउँपालिकामा ४ जना र टेम्केमैयुङ्ग गाउँपालिकामा १ गरी जम्मा ५ जनाको ज्यान गएको छ । ३ जना घाइते छन् । प्रमुख जिल्ला अधिकारी खतिवडाले स्थानीय तहहरूलाई आ आफ्नो क्षेत्रमा भएको क्षतिको विवरण सङ्कलन गरी पठाउन पत्राचार गरिएको बताएका छन् । क्षतिको विवरण आउने क्रम अझै जारी रहेको जिल्ला प्रशासन कार्यालयले जनाएको छ । मृतकका परिवारलाई प्रति मृतक १ लाख दिने नेपाल सरकारले घोषणा गरेको छ ।

घाइतेलाई राज्यले निःशुल्क औषधोपचारको व्यवस्था गरेको छ । त्यस्तै घर पूर्ण क्षति भएकालाई १० हजार र आंशिक क्षतिलाई ५ हजार राहत स्वरूप दिने प्रावधान छ । बाढी–पहिरोको जोखिममा परेर बस्नै नसक्ने अवस्था हुँदा अर्को घर बनाउनुपर्ने वाध्यता छ भने विशेष निर्णय गर्न सकिने कानुनी प्रावधान रहेको प्रजिअले बताएका छन् । 

bjp-2

सप्तरीमा स्वास्थ्य व ...

राजविराज  /  रामराजाप्रसाद सिंह स्वास्थ्य विज ...

खानेपानीमा भ्रष्टचार ...

बिर्तामोड /  साना शहरी खानेपानी तथा सरसफाई संस्था ...

नेपालले हात पार्याे ...

ब्लाष्टखबर। २ –१ गाेल अन्तरले भुटानलाई हराउँदै पु ...

‘समानताको पुस्ताः बल ...

धरान  / ७१ औ अन्तर्राष्ट्रिय मानब अधिकार दिवस ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved