मालपोत कार्यालय धनकुटामा अनलाइन सेवा शुरु

alt
  • श्रावण २५, २०७६
  • ७९ पटक पढिएको
  • ब्लाष्ट खबर

धनकुटा । परम्परागत रूपमा दिइँदै आएको ढिलो एवम् झन्झटिलो सेवाको सट्टा सर्वसाधारणलाई सहज सेवा प्रदान गर्ने उद्देश्यले मालपोत कार्यालय धनकुटाले बुधबारदेखि अनलाइन सेवा सञ्चालनमा ल्याएको छ ।
जिल्ला मालपोत कार्यालय धनकुटाले कागजी प्रक्रियाबाट काम गर्दा ढिलो हुनुका साथै झन्झट बेहोर्नु पर्ने भएकाले अनलाइनमार्फत् सहज र पारदर्शीरूपमा सेवा शुरु गरेको जनाएको हो । अनलाइन प्रणाली शुरु भएपछि आफ्नो जग्गा कति छ भन्ने प्रत्येक व्यक्तिलाई मोेबाइलमार्फत् विवरण लिन सक्ने व्यवस्थासमेत रहेको छ । सेवा प्रवाहमा सेवाग्राहीहरूलाई छिटो, छरितो र गुणस्तरीय सेवा प्रदान गर्ने उद्देश्यका साथ अनलाइन प्रणाली सञ्चालन गरिएको मालपोत कार्यालय धनकुटाका प्रमुख जितमान जिमीले बताए ।

धनकुटा नगरपालिका वडा नं. १ का कर्णबहादुर तामाङले बेचेको जग्गा लक्ष्मी तामाङले किनेको जग्गाको डिजिटल मालपोत रजिष्ट्रेशन नम्बर प्रदान गरी भूमि व्यवस्था तथा अभिलेख विभागका महानिर्देशक गोकर्णमणि दवाडीले अनलाइन सेवा आरम्भ गरेका थिए ।

सर्वसाधारणलाई सहज र गुणस्तरीय सेवा प्रदान गर्न एवम् अनलाइन प्रक्रियामार्फत् जग्गाधनी प्रमाण पुर्जा वितरण गरेपछि एउटै जग्गा जालसाझ गरी फरक–फरक व्यक्तिलाई बेच्दै ठगी गर्न नसक्ने भएकाले यो सेवा प्रभावकारी बनेकोे महानिर्देशक दवाडीको भनाइ छ ।

अनलाइनका कारण जाल झेल गरी अर्काको जग्गा बिक्री गर्न लागेको अवस्थामा तुरुन्त जग्गावालाले जानकारीसमेत पाउने जनाइएको छ । भूमिसुधार मन्त्रालयले देशभरका एकसय ३१ मालपोत कार्यालयमध्ये ७८ मालपोत कार्यालयमा अनलाइन प्रणालीबाट सेवा प्रदान गर्न थालिएको दवाडीले बताए ।

रथयात्रामा पक्राउ पर

विराटनगर । विराटनगरमा शनिबार निस्किएको रथयात्रामा पक्रा

रवि लामिछाने सहित ३

ब्लाष्टखबर । पत्रकार शालिकराम पुडासैनी मृत्यु प्रकरणमा

सिरहामा एक पुरुषको श

सिरहा। सिरहा जिल्लाको खिरौनामा एक पुरुषको बेवारिसे अवस्


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved