पृथ्वी–लक्ष्मी स्मृति ब्याण्डमिन्टनको तयारी

alt
  • श्रावण २६, २०७६
  • ५० पटक पढिएको
  • ब्लाष्ट खबर

धरान/पृथ्वी–लक्ष्मी मेमोरियल ट्रष्टले खुला ब्याडमिन्टन प्रतियोगिता गर्ने भएको छ । भदौं ६ र ७ गते धरानको अमर सेवा समाज बहुउद्देश्यीय भवनमा ब्याडमिन्टन प्रतियोगिता गर्ने भएको हो ।

सुनसरी जिल्ला ब्याडमिन्टन सङ्घको प्राविधिक सहयोगमा हुने प्रतियोगितामा ६४ समूह खेलाडीहरू सहभागी बन्ने छन् । प्रतियोगितामा सिनियर डबल्स, राइजिङ डबल्स र भेट्रान डबल्स खेलाइने भएको छ । प्रत्येक इभेन्ट्समा ८ जनाको समूह गरी कूल ६४ समूह रहने छन् । भेट्रानतर्फ भने ५० वर्षमाथि रहने ट्रष्टका उपाध्यक्ष किशोर राईले आइतबारको पत्रकार सम्मेलनमा बताए । सिनियर डबल्सको विजेताले नगद २५ हजार रुपैयाँसहित ट्रफी पाउने छ । त्यस्तै दोस्रोले १५ हजार र तेस्रोले जनही ८–८ हजार रुपैयाँ प्राप्त गर्ने छ । त्यस्तै बेष्ट प्लेयरले नगद २५ सय रुपैयाँ पाउने छ ।

भेट्रान डबल्सको विजेताले नगद १२ हजार, दोस्रोले ६ हजार र तेस्रोले जनही ३–३ हजार रुपैयाँ प्राप्त गर्दा बेष्ट प्लेयरले नगद २ हजार रुपैयाँ प्राप्त गर्ने छन् । त्यस्तै राइजिङ डबल्सको विजेताले नगद १० हजार रुपैयाँसहित ट्रफी पाउने छ । त्यस्तै दोस्रोले नगद ५ हजार रुपैयाँ र तेस्रोले जनही नगद ३–३ हजार रुपैयाँ पाउने छन् । राइजिङतर्फको बेृष्ट प्लेयरले भने नगद १ हजार ५ सय रुपैयाँ पाउने आयोजकले जनाएको छ ।

एन्फाका मानार्थ बरिष्ठ उपाध्यक्षसमेत रहेका राईको आमाबुबाको नामबाट ट्रष्ट निर्माण गरिएको हो । खोटाङ रतन्छामा जन्मिएका पृथ्वीबहादुर र लक्ष्मी राईको नामबाट ट्रष्ट निर्माण गरिएको हो । ट्रष्ट निर्माणमा ४ छोरा विदुर राई, किरण राई, किशोर राई, विक्रम राई र दुई बहिनी अमृता र कला राईले भूमिका खेलेका छन् । २०७३ सालमा निर्माण भएको ट्रष्टले यसअघि धरान उपमहानगर कर्मचारी स्तरीय ब्याडमिन्टन प्रतियोगिता गराइसकेको अध्यक्ष विदुर राईले बताए ।

 

रथयात्रामा पक्राउ पर

विराटनगर । विराटनगरमा शनिबार निस्किएको रथयात्रामा पक्रा

रवि लामिछाने सहित ३

ब्लाष्टखबर । पत्रकार शालिकराम पुडासैनी मृत्यु प्रकरणमा

सिरहामा एक पुरुषको श

सिरहा। सिरहा जिल्लाको खिरौनामा एक पुरुषको बेवारिसे अवस्


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved