बाढीले कुलो बगाउँदा स्थानीयलाई सास्ती

alt
  • श्रावण २८, २०७६
  • २५० पटक पढिएको
  • ब्लाष्ट खबर

मधुमल्ला/ मोरङ मिक्लाजुङ गाउँपालिका–२, ६, ७ र ८ लाई सिंचाइ सेवा पुर्याउने नहर (कुलो) का मुहानहरू बक्राहा–नुनसरी खोलामा आएकोे बाढीले बगाउँदा सयौं उपभोक्ताहरूले हरेक वर्ष सास्ती व्यहोर्दै आएका छन् ।

दिगो र व्यवस्थित नहरको मुहान नहुँदा उपभोक्ताहरू त्यसको प्रत्यक्ष मारमा पर्नु परेको तोरीबारी संयुक्त सिंचाइ योजनाका अध्यक्ष शेरबहादुर बस्नेतले बताए ।

खोलाको भूगोल भिरालो भएको र तीव्र वेगका साथ नुनसरी बक्राहा खोलामा वर्षासँगै पानीको वेग आउने गरेकाले स्याउला र ढुङ्गाको प्रयोग गरी खोला थुनेको मुहान बगाउने गरेको योजना समिति सदस्य वासुदेव भण्डारीले बताए । अर्का स्थानीय उपभोक्ता नन्दकेशर अधिकारीले निरन्तर ४ दिनदेखि पैनी बनाउन थालेको बताए ।

मिक्लाजुङको वडा नं. २, ६, ७ र ८ का किसानहरूको यथार्थ पीडा हो । बक्राहा नुनसरी खोलाबाट कम्तीमा एक दर्जन बढी साना– ठूला गरी कुलोका मुहानहरू सञ्चालन हुँदै आएका छन् । चुरे पहाडको फेदी मिक्लाजुङ–२ र इलामको चुलाचुली गाउँपालिका वडा नं. ६ बाट मात्र करिब आधा दर्जन बढी कुलो सञ्चालन हुँदै आएका छन् । ती कुलोमार्फत् करिब सातसय हेक्टर जमिन सिंचाइ हुँदै आएको छ ।

६ वटा कुलोको मुहानलाई समेटी बृहत् योजना बनाई तोरीबारी संयुक्त सिंचाइ योजनाले उक्त स्थानमा चेक ड्याम बनाउने योजना सिंचाइ डिभिजन कार्यालय सुनसरीमा पेश गरे पनि हालसम्म आशलाग्दो कुनै काम नभएको तोरीबारी संयुक्त सिंचाइ योजनाका अध्यक्ष शेरबहादुर बस्नेतले बताए ।

यस्तेै खोला पश्चिमतर्फ वडा नं. २ र ६ का लागि नुनसरी, रचना, कालीदह सिंचाइ आयोजना सञ्चालनमा छ । उक्त सिंचाइ आयोजना पनि पूर्ण भने भएसकेको छैन तर उक्त योजनाका लागि पनि मुहानमा चेक ड्याम नभएकाले पानी उठाउन समस्या रहेको स्थानीय हेम कटुवालले बताए ।

उक्त योजनाले दुईवटा वडाका करिब ३ सय हेक्टर क्षेत्रमा सिंचाइ पुग्छ भने तोरीबारी संयुक्त योजनाले मिक्लाजुङको वडा नं. ७, ८ र इलामको चुलाचुली वडा नं. ६ का केही भू–भाग गरी करिब ४ सय हेक्टर जमिनमा सिंचाइ हुने स्थानीय अगुवा किसान लक्ष्मण अधिकारीले बताए ।

यी दुईवटा योजनाले मिक्लाजुङ गाउँपालिकाको करिब सात सय हेक्टर जमिनमा सिंचाइ हुन्छ । साथै सोही स्थानबाट तोरीबारी मधुमल्ला खानेपानी तथा सरसफाइ उपभोक्ता समितिले खोनपानीसमेत सञ्चालन गर्दै आएको छ । तर वर्षा शुरु भएसँगै बाढीले उक्त खानेपानी योजनासमेत बन्द हुँदै आएको छ ।

म करोडको गाडी चढ्दिन ...

धरान/ मङ्सिर १४ को उपनिर्वाचनको मिति नजिकिँदै जाँदा धरा ...

डाँगीहाट गोल्डकपको त ...

लक्ष्मीमार्ग/ डाँगीहाट गोल्डकपको तेस्रो संस्करण कार्तिक ...

विश्वकर्मा मन्दिर न ...

देउराली । तिनकुने विश्वकर्मा मन्दिर नजिकै सवारी दुर्घटन ...

गार्डेनलाई फुटसलको उ ...

धरान/ दशैं–तिहार खुल्ला फुटसल प्रतियोगिताको उपाधि ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved