तेक्वान्दो खेलाडी हुँ, खुकुरी राखेको थिए, छप्काइदिए–पीडित बालिका

alt
  • श्रावण २८, २०७६
  • २,७६७ पटक पढिएको
  • प्रेम आचार्य

बिर्तामोड ।  झापाको बुद्धशान्ति गाउँपालिकामा बालिका बलात्कार गर्ने एक अभियुक्तलाई मंगलबार स्थानीय युवाले पक्राउ गरी प्रहरीलाई बुझाएका छन् ।
धनकुटाको पात्लेखोला घर भई बुद्धशान्ति २ मा मजदुरी गर्दै आएका सन्तोष गुरुङ्गले ७ महिनादेखि स्थानीय एक १३ बर्षीया बालिकालाई बलात्कार गरेको पीडित परिवारले जनाएका छन् । बलात्कारको प्रतिकार गर्ने क्रममा बालिकाले खुकुरी प्रहार गरी पिडकलाई घाइते बनाएकी छन् ।
बालिकाको आमा बैदेशिक रोजगारमा ओमनमा छिन । बुबा सोही स्थानमा मजदुरको काम गर्छन् । घरमा दिउसो कोही नभएको समयमा गुरुङ्गले धम्की दिंदै बलात्कार गर्ने गरेको पीडितले बताइन् । गुरुङ्गले घटनाको बारेमा कसैलाई सुनाए बाबुलाई मार्ने र बैदेशिक रोजगारमा गएकी आमाको शव पनि बाकसमा ल्याइदिने चेतावनी दिएको ती पीडित बालिकाले बताइन ।
‘उसले मार्छ भनेर कसैलाई केही सुनाइन, बालिकाले भनिन, कतिदिनसम्म रोएर बसेको छु, अति भएपछि भाउजुलाई भनें, त्यसपछि सबैले थाहा पाएका हुन् ।’ पिडक अन्यत्र गएको समयमा बालिकाले नातामा भाउजु पर्नेलाई घटनाको बारेमा भनेपछि स्थानीय युवाले उनलाई नियन्त्रणमा लिएका थिए ।
पिडकले ७ महिनामा १० पटकभन्दा बढी बलात्कार गरेको बालिकाले बताइन् । उनले घरको कोठा, खेत, बारी जहाँ भेटे पनि समाउने गरेको बताइन । पछिल्लो पटक घरको कोठामा बसेको समयमा बालिकालाई लडाएर मुख थुन्दै बलात्कार गर्न शुरु गरेपछि उनले छेउमै राखेको खुकुरीले काटेकी थिइन । बालिकाको खुकुरी प्रहारबाट टाउकोमा गहिरो चोट लागेका उनले बाहिर भने लडेर घाइते भएको बताउँदै आएको स्थानीय सुजन भण्डारीले जानकारी दिए ।
‘तेक्वान्दो खेलाडी हुँ, स्टेप ग्रिन बेल्ट पाएको छु, मलाई गुरुले सिकाउनु भएको छ, त्यही भएर आत्मबिश्वास बढेको होला, खुकुरी राखेको थिए, छप्काइदिएँ, बालिकाले भनिन्–‘पटक पटकको यातना सहेर बस्नु भन्दा त मारेर जेल जानु ठिक हुने सोचेर खुकुरी हानेको हुँ ।’ कोठामा लगेर बेडमा लडाउने, गोप्य अंग छुने चलाउने हर्कत पटक पटक दोहो¥याँउदै आएको उनले बताइन् ।
बालिकामाथी यौन हिंसा गर्दै आएका गुरुङ्गले उनका साथी पनि मिलाइदिन दवाब दिने गरेको पाइएको छ । अर्की एकजना साथीलाई कोठामा बोलाएर घर बाहिर जान भनेको जानकारी उनले दिइन् । ‘ठिक त्यो बेला घरमा मान्छे आए र उनीमाथी कुनै घटना हुन पाएन, बालिकाले भनिन्–‘गाउँका सबै साथीहरुको नाम लिदै म सँग जस्तै गर्नका लागि मिलाईदिन भन्थ्यो ।’
पिडक गुरुङ्गले बालिकालाई मुख थुनेर लडाएकोसम्म स्वीकार गरेका छन् । प्रहरीले बालिकाको स्वास्थ्य परीक्षण गरेको छ भने घटनाको बिषयमा अनुसंधान शुरु गरेको बताएको छ ।

म करोडको गाडी चढ्दिन ...

धरान/ मङ्सिर १४ को उपनिर्वाचनको मिति नजिकिँदै जाँदा धरा ...

डाँगीहाट गोल्डकपको त ...

लक्ष्मीमार्ग/ डाँगीहाट गोल्डकपको तेस्रो संस्करण कार्तिक ...

विश्वकर्मा मन्दिर न ...

देउराली । तिनकुने विश्वकर्मा मन्दिर नजिकै सवारी दुर्घटन ...

गार्डेनलाई फुटसलको उ ...

धरान/ दशैं–तिहार खुल्ला फुटसल प्रतियोगिताको उपाधि ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved