पूर्वाञ्चल ज्ञानचक्षुमा तालाबन्दी

alt
  • श्रावण २९, २०७६
  • २०४ पटक पढिएको
  • ब्लाष्ट खबर

धरान/पूर्वाञ्चल ज्ञानचक्षु विद्यालयमा प्लस टुमा अध्ययनरत विद्यार्थीहरूले तालाबन्दी गरेका छन् ।

स्कुलमै बस्न पाउनुपर्ने मागलाई बेवास्ता गरेको भन्दै कक्षा ११ र १२ मा अध्ययरत विद्यार्थीहरूले प्रधानाध्यापकको कार्यकक्षमा तालाबन्दी गरेका हुन् । मङ्गलबार विद्यालय व्यवस्थापन समिति (विव्यास), शिक्षक तथा अभिभावक सङ्घ, धरान नगरपालिका शिक्षा महाशाखा, १५ नम्बर वडाका जनप्रतिनिधिबीच मङ्गलबार बसेको छलफलले कक्षा ११ र १२ का विद्यार्थीलाई स्कुलमा राख्न नसक्ने निर्णय गरेपछि विद्यार्थीहरू तालाबन्दीमा उत्रिएका हुन् । तालाबन्दी भएको बारे प्रअ प्रमोद भण्डारीले पुष्टि गरे ।

साउन १८ गते पनि विद्यालय व्यवस्थापन समितिले  कक्षा ११ र १२ का विद्यार्थी राख्न नसक्ने निर्णय गरेको थियो । उक्त निर्णयमा असहमति जनाउँदै साउन २६ गते प्रअको कार्याकक्षमा तालाबन्दी गरेका थिए । साउन २८ गते छलफल गरिने भनी जानकारी गराएपछि ताला खोलेका भए पनि फेरि उही निर्णय भएपछि तालाबन्दी गरेको प्रअ भण्डारीले बताए । तर, मङ्गलबारको छलफलले पनि विद्यार्थीहरूलाई राख्न नसक्ने निर्णय गरेपछि फेरि तालाबन्दीमा उत्रिएको उनले बताए ।

कक्षा ११ मा ४ जना विद्यार्थी छन् भने कक्षा १२ मा ५ जना विद्यार्थीहरू रहेका छन् । उनीहरूलाई कक्षा १० का विद्यार्थीहरूले पनि सहयोग गरिरहेको प्रअ भण्डारीले जानकारी दिए । यसअघि कक्षा ११ र १२ का विद्यार्थीहरूलाई पनि प्रायोजकमार्फत् सहयोग आउने गरेको हुँदा विद्यालयमा राखिँदै आएको थियो । तर, अहिले सहयोग आउन छाडेपछि विद्यार्थी राख्न नसकिने निचोडमा विव्यास पुगेको हो । विव्यासकी अध्यक्ष लक्खी गुरूङले प्रायोजकमार्फत् सहयोग आउन छाडेकाले पनि अब विद्यार्थी राख्न नसकिने निचोडमा पुगेको बताइन् ।

सोही अनुरूप नै विव्यास तथा शिक्षक तथा अभिभावक सङ्घको साउन १८ गते राख्न नसकिने निर्णय गरिएको बताइन् । ‘अनुदान रकम तथा अनुशासनलगायत विभिन्न कुरा आउँछ भनेर नै नराख्ने निचोडमा पुगिएको हो’–उनले भनिन् ।

धरान–१५ का वडाध्यक्ष नरेश इवारामले छलफलमा सरकारको नीतिनियम अनुसार चल्नु पर्ने भएकाले कक्षा ११ र १२ का विद्यार्थीलाई राख्न नसकिने निर्णय भएको बताए ।

इटहरीमा अन्तराष्ट्रि

सुनसरी । साउण्ड सिस्टमका विषयमा जानकारी गराउदै व्यवसायी

सीसी क्यामेराबाट राज

विराटनगर । कुनै पनि अपराधिक क्रियाकलाप गर्दै वा गरेर भा

माँलक्ष्मीकाे ११ औ

बिर्तामोड । बिर्तामोड–४ को माँलक्ष्मी बचत तथा ऋण

अन्तर विद्यालय टेबलट

सुनसरी । इटहरीमा सञ्चालित प्रथम अन्तर विद्यालय टेवल टेन


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved