सिटीस्क्यान मेसिन खरिदमा ठगी

alt
  • श्रावण ३०, २०७६
  • २३८ पटक पढिएको
  • ब्लाष्ट खबर

दमक/ इलाका प्रहरी कार्यालय दमकले सिटीस्क्यान मेसिन बिक्री गर्दा ठगी गरेको आरोपमा एक व्यक्तिलाई पक्राउ गरेको छ ।

पक्राउ पर्नेमा विराटनगरका रेडियोलोजिष्ट डा.सुनिल देव रहेका छन् । प्रहरीले उनलाई लाइफलाइन अस्पताल प्रालिका अध्यक्ष डा.तिलकचन्द्र साहलाई सिटीस्क्यान मेसिन बिक्री गर्दा ठगी गरेको आरोपपछि पक्राउ गरेको हो ।

पक्राउ परेका देवलाई प्रहरीले ठगी मुद्दामा दुईपटक अदालतबाट म्याद थप गरी अनुसन्धान गरिरहेको इलाका प्रहरी कार्यालय दमकका डिएसपी श्यामल सुब्बाले बताए । उनले भने, ‘रेडियोलोजिष्ट देवले दश वर्षअघि डा. साहलाई सिटीस्क्यान मेसिन बिक्री गरेको र लेनदेनमा समस्या रहेछ डा. साहको उजुरीका आधारमा उनलाई हामीले नियन्त्रणमा लिएका हौं ।’

पक्राउ परेका रेडियोलोजिष्ट अहिले इलाका प्रहरी कार्यालय दमकको नियन्त्रणमा छन् । डा. साहले रेडियोलोजिष्ट देवलाई ३२ लाख रुपैयाँ उपलब्ध गराएपछि वान स्लाइस सिटीस्क्यान मेसिन भारतको दिल्लीबाट खरिद गरिदिएका थिए । तर, स्वास्थ्य मन्त्रालयले वान स्लाइसको सिटीस्क्यान प्रयोगमा रोक लगाएपछि डा.साहले सिटीस्क्यान प्रयोगमा ल्याएका थिएनन् ।

स्रोत भन्छ, ‘रोकिएको पैसा मागेपछि डा. साहले देवलाई उल्टै ठगी मुद्दा दर्ता गराएका हुन् । सिटीस्क्यानको मूल्य झण्डै दुई करोड रुपैयाँ पर्ने बताइएको छ । डा. साहले देवको सहयोगमा भारतको एक अस्पतालबाट ५० लाखमा मेसिन खरिद गरेको बताइन्छ ।

वान स्लाइसको सिटीस्क्यान मेसिन प्रयोगमा सरकारले नै रोक लगाएपछि लाइफलाइन अस्पतालका अध्यक्ष डा. साहले वान स्लाइसको एक थान मेसिन लुकाएको स्रोतले जनायो । देवसँग लेनदेनमा कुरा नमिलेपछि उनले उक्त सिटीस्क्यान मेसिन लुकाएका हुन् ।

१० वर्षअघि खरिद गरिएको सो मेसिन अहिले बन्द बाकसमा राखिएको छ । तर, डा. साहले उक्त मेसिन आफूसँग नभएको भन्दै डा. देवलाई ठगी मुद्दा प्रहरी हिरासतमा पु¥याएका छन् । पक्राउ पर्नुको कारणका विषयमा जिज्ञासा राख्दा उनले आफूलाई समेत त्यो विषयमा जानकारी नभएको र बाँकी कुरा इलाका प्रहरी कार्यालय दमकका डिएसपीलाई सोध्नु भन्दै पन्छिए ।

उनले उक्त कुरा क्यामेरामा रेकर्ड नगर्न भन्दै क्यामरा बन्द गर्न पत्रकारलाई निर्देशनसमेत दिए । यता यस विषयमा अस्पतालका मेडिकल डाइरेक्टर डा. भट्टराईसँग जिज्ञासा राख्दा उनले भारतबाट ल्याएको मेसिन प्रयोगविहीन बनेको बताए । उनले भने, ‘वास्तवमै पीडा छ, यो पीडा क–कसलाई सुनाउने सुनाउने निकाय नै छैन ।’

यान्त्रीकरणबाट व्याव ...

डाँगीहाट, मोरङ आँखाले भ्याएसम्म देखिने धान खेती, धान पा ...

बेसहारामुक्त महानगर ...

विराटनगर/ विराटनगर महानगरपालिका क्षेत्रलाई बेसहारा मुक् ...

बल्झिरहने सीमा विवाद ...

इतिहासले भन्छ– काली (महाकाली) नदीको पश्चिममा पर्न ...

इटहरीको मुख्यचौकको अ ...

इटहरी/ व्यापारिक मार्गको रूपमा निर्माण भइरहेको रानी&nda ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved