बिर्तामोडमा क्यान्सर अस्पताल सञ्चालनमा आउने

alt
  • श्रावण ३०, २०७६
  • १४५ पटक पढिएको
  • ब्लाष्ट खबर

बिर्तामोड/ बिर्तामोडमा आगामी पुसदेखि क्यान्सर अस्पताल सञ्चालनमा आउने भएको छ ।

दुई वर्षअघि स्वास्थ्य तथा जनसङ्ख्या मन्त्रालयबाट स्वीकृति लिएर भवन निर्माणको काम थालेको ‘पूर्वाञ्चल क्यान्सर अस्पताल’ पुस महिनादेखि सञ्चालनमा आउने भएको हो । स्वास्थ्य मन्त्रालयबाट ३ सय शश्या रहने गरी स्वीकृति पाएको अस्पतालले पहिलो चरणमा एक सय शश्याबाट सेवा सञ्चालन गर्न लागेको अस्पतालका मेडिकल डाइरेक्टर डाक्टर वीरेन्द्रकुमार यादवले बताए । अस्पताल सञ्चालनका लागि चार अर्ब लागत खर्च हुने भएको उनले बताए ।

अस्पतालमा भौतिक संरचना निर्माणको काम डेढ वर्षअघि शुरु भएको थियो । अस्पतालको भवन निर्माणको काम अन्तिम चरणमा पुगेको र विभिन्न मेसिन तथा उपकरणहरू जडानको काम भइरहेको अस्पतालका डाइरेक्टर डा. यादवको भनाइ छ । क्यान्सर अस्पताल सञ्चालनका लागि ४५ करोडको ३ वटा रेडिएसन मेसिन खरिद गरी जडानको प्रक्रियामा रहेको डा. यादवले बताए ।

‘अहिले हामीले ३ वटा रेडिएसन मेसिन भित्र्याइसकेका छौं, अब ३ महिनाभित्रमा यो मेसिन जडान गर्छौं’ अस्पतालका डाइरेक्टर डा. यादवले भने, ‘प्रदेश नम्बर एक र दुईका क्यान्सरका बिरामीका लागि लक्षित गरेर हामीले अस्पताल सञ्चालनमा ल्याउन लागेका हौं । पुसदेखि हाम्रो अस्पताल सञ्चालनमा आउँछ ।’

क्यान्सर अस्पताल सञ्चालनमा आएसँगै प्रदेश १ र २ मा रहेका क्यान्सरका बिरामीले सहजरूपमा उपचार सेवा पाउने अस्पताल सञ्चालकको विश्वास छ । प्रदेश एक र दुईमा क्यान्सर अस्पताल नहुँदा क्यान्सरका बिरामीले उपचारका लागि अन्य ठाउँ जानुपर्ने बाध्यता रहँदै आएको छ । अस्पताल सञ्चालनमा आएपछि क्यान्सरको उपचारका लागि भारत जानुपर्ने प्रदेश एक र दुईका बिरामीले राहत महसुस गर्ने डा. यादवको विश्वास छ ।

‘प्रदेश एक र दुईमा क्यान्सर अस्पताल नहुँदा धेरै बिरामीहरू भारत जाने गरेका थिए’ डा. यादवले भने, ‘हाम्रो अस्पताल सञ्चालन भएपछि बिरामीले नेपालमै सहजरूपमा उपचार पाउनेछन् ।’

एनसेले बाढ्यो ल्यापट ...

बिराटनगर /  एनसेल प्राईभेट लिमिटेडले हाल संचा ...

प्रदेश सरकारको बजेटल ...

धरान । धरानको मुख्य वजार कोशी राजमार्ग अन्तर्गत पर्छ । ...

धरान उपमहानगरको कर स ...

धरान / धरान उपमहनगरपालिकाको करको चर्को विरोध भइरहे ...

किशोरी बलात्कार गर्न ...

उदयपुर / उदयपुर जिल्लाको त्रियुगा नगरपालिका–९ गैर ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved