पाथीभरा गोल्डकप: एलाभेन एरोज उपाधि नजिक

alt
  • भदौ ५, २०७६
  • २४१ पटक पढिएको
  • वसन्त लिम्बू

ताप्लेजुङ/ एलाभेन एरोज सुनसरी ताप्लेजुङमा जारी पाथीभरा गोल्डकपको फाइनलमा प्रवेश गरेको छ ।

बुधबार भएको पहिलो सेमिफाइनल खेलमा रेडहर्ष इलामलाई २–० गोल अन्तरले पराजित गर्दै सुनसरी फाइनलमा प्रवेश गरेको हो । खेलको ४५ औँ मिनेटमा यानिक ओनाले पहिलो गोल गरेका थिए भने ९१ औँ मिनेटमा श्याम चौधरीले दोस्रो गोल गरेका थिए । पहिलो गोल गर्ने ओना दाउफिन्स क्यामरुनका खेलाडी हुन् ।

ओना बुधबारको खेलको म्यान अफ दि म्याचसमेत घोषित भएका छन् । उनले नगद ५ हजार प्राप्त गरे । सुनसरीले क्यमरुनका ३, थ्रिस्टारका २, एनआरटि, मनाङ मस्र्याङ्दी र सरस्वतीका १÷१ जना खेलाडीलाई आफ्नो टिममा सहभागी गराएको थियो ।

यु.के.एफ.सि दार्जेलिङ भारतलाई २–० गोल अन्तरले पराजित गर्दै सुनसरी सेमिफाइनलमा प्रवेश गरेको थियो । यु.के.एफ.सि विरुद्धका दुवै गोलसमेत यानिक ओनाले नै गरेका थिए । यता फिदिम स्पोर्टिङ क्लबलाई ट्राइब्रेकरमा ३–२ गोल अन्तरले पराजित गर्दै रेडहर्ष सेमिफाइनलमा प्रवेश गरेको थियो ।

बिहीबार हुने सेमिफाइनल चरणको अन्तिम खेलमा रेडस्टार झापा र डाँगीहाट मोरङबीच दिउँसो २ बजे प्रतिस्पर्धा हुनेछ । सदरमुकाम स्थित भानुजन माविको खेल मैदानमा भइरहेको पाथीभरा गोल्डकप फुटबल प्रतियोगिताको उपाधि भिडन्त भने भदौ ६ गते हुनेछ । प्रतियोगिताको विजेतालाई नगद ३ लाख ११ हजार सहित ट्रफी प्रदान गरिनेछ । उपविजेतालाई १ लाख ५१ हजार नगद सहित ट्रफी दिइनेछ ।

राजश्व छली गरेको आरो

  काठमाडाैं / राजश्व छली गरेको आरोपमा तीन व

झापामा जङ्गली च्याउ

  झापा / झापाको कमल गाउँपालिका–५ मा व

देश भरका स्वास्थ्य स

  काठमाडाैं / संविधान दिवसका अवसरमा सरकारी

आजदेखि ब्लाष्ट दैनिक

धरान / आजदेखि ब्लाष्ट टाइम्स दैनिक २५ वर्षमा प्रवेश गरे


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved