उपाधिका लागि रेडस्टार र एलाभेन एरोज भिड्दै पाथीभरा गोल्डकपः

alt
  • भदौ ५, २०७६
  • ७४ पटक पढिएको
  • वसन्त लिम्बू

ताप्लेजुङ/ चौथो पाथीभरा गोल्डकप उपाधिका लागि डिफेन्डिङ च्याम्पियन रेडस्टार क्लब झापा र एलाभेन एरोज क्लब सुनसरी भिडनत गर्ने भएका छन् ।

बिहीबार सम्पन्न दोस्रो सेमिफाइनल खेलमा डाँगीहाट क्लब मोरङलाई पराजित गर्दै झापा फाइलनमा पुगेपछि सुनसरीसँग भेट पक्का गरेको हो । रेडहर्ष क्लब इलामलाई पराजित गर्दै फाइनलमा पुगेको सुनसरीले झापासँग शुक्रबार उपाधिका लागि भिडन्त गर्दैछ । अन्तिम सेमीमा झापाले मोरङलाई टाइब्रेकरमा ४–३ गोल अन्तरले पराजित गरेको हो ।

झापाका लागि बुद्ध चेम्जोङ, पुजन उभरकोटी, योगेश गुरुङ र निशान लिम्बूले गोल गरे । यता डाँगीहाटका लागि भने विक्रम लिम्बू, विकेश लिम्बू र विक्रम धिमालले गोल गरे । झापाका निरज बस्नेत र मनोज राईको प्रहार गोलरक्षक छिरिङ तामाङले बचाए । डाँगीहाट सुमिन मैनाली, दिलेन लोक्तान र मानबहादुर परियारको प्रहार विवश चौधरीले उत्कृष्ट बचाउ गरे । खेलको म्यान अफ दी म्याच गोलरक्षक झापाका चौधरी घोषित हुँदै नगद ५ हजार रुपैयाँ प्राप्त गरे ।

निर्धारित समय १–१ गोलको बराबरीमा रोकिएपछि छिनोफानो टाइब्रेकरबाट लिएको हो । खेलको ४७ औं मिनेटमा योगेश गुरुङको गोलमा झापाले अग्रता लिएको थियो भने मोरङका लागि विकेश लिम्बूले ५३ औं मिनेटमा बराबरी गोल फर्काए । रक्षात्मक शैलीमा खेलेको दुवै टोलीले झरीका कारण पनि थप चुनौती सामाना गर्नुपरेको थियो ।

प्रतियोगिताको फाइनल संस्कृति पर्यटन तथा नागरिक उड्डयनमन्त्री योगेश भट्टराईको प्रमूख आतिथ्यतामा फाइनल हुने आयोजकले जनाएको छ । प्रतियोगिताको विजेताले नगद ३ लाख ११ हजारसहित ट्रफी पाउने छ भने उपविजेताले नगद १ लाख ५१ हजार रुपैयाँसहित ट्रफी पाउने छ ।

राजश्व छली गरेको आरो

  काठमाडाैं / राजश्व छली गरेको आरोपमा तीन व

झापामा जङ्गली च्याउ

  झापा / झापाको कमल गाउँपालिका–५ मा व

देश भरका स्वास्थ्य स

  काठमाडाैं / संविधान दिवसका अवसरमा सरकारी

आजदेखि ब्लाष्ट दैनिक

धरान / आजदेखि ब्लाष्ट टाइम्स दैनिक २५ वर्षमा प्रवेश गरे


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved