काँग्रेसद्धारा आज पनि प्रदेश सभा अवरूद्ध

alt फाइल फाेटाे
  • आश्विन १, २०७६
  • ६० पटक पढिएको
  • ब्लाष्ट खबर

विराटनगर /  प्रमुख प्रतिपक्ष दल नेपाली काँग्रेसले दोस्रो दिन पनि प्रदेश १ को प्रदेश सभा अवरूद्ध गरेका छन् ।
प्रदेश सरकारले ल्याएको मनमोहन प्राविधिक विश्वविद्यालय सम्बन्धमा व्यवस्था गर्न बनेको विधेयक सदनको कार्यसूचीबाट हटाउन माग राख्दै सोमबार प्रदेश सभा अवरूद्ध गरेका हुन् । सदन अवरुद्ध गरेपछि अर्का बैठक असोज ५ गते बस्ने सभामुख प्रदिपकुमार भण्डारीले जानकारी गराएका छन् । प्रदेश सभाको ५१ औं बैठक सुरु हुनासाथ कांग्रेसका सांसदले उठेर विरोध गरेपछि सभामुख भण्डारीले असोज ५ गते १ बजेका लागि बैठक तोकेका छन् । यस अघि मंगलबार पनि कांग्रेसका सांसदले बैठक अवरुद्ध गरेका थिए ।
प्रदेशसभामा मनमोहन प्राविधिक विश्वविद्यालय सम्बन्धमा व्यवस्था गर्न बनेको विधेयक सदनको कार्यसूचीबाट हटाउनु पर्ने कांग्रेसले माग राखेको छ । यही अडानमा कांग्रसले दोस्रो दिन पनि बैठक अवरुद्ध गरेको हो ।
कांग्रेसका प्रमुख सचेतक केदार कार्कीले विधेयकमा चित्त नबुझेका विषयमा सरकारको ध्यानाकर्षण गराइसकेका बताए । जबरजस्ती पेलेर विधेयक पारित गर्न खोजिए सदन चल्न नदिने उनको भनाई थियो । अहिलेसम्म सबै कानुन सहमतिको आधारमा पारित भएको भन्दै आफूहरुले विरोधका लागि मात्र विरोध नगरेको उनले बताए ।
प्रदेश सरकार भने मनमोहन प्राविधिक विश्वविद्यालयसम्बन्धी विधेयक चालु बर्खे अधिवेशनबाटै पूरा गराउने तयारीमा छ । विश्वविद्यालयका लागि सरकारले ल्याएको बजेटमा रकमसमेत छुट्याइएकोले यसलाई जसरी पनि पारित गर्ने सरकारको तयारी छ । सामाजिक विकास मन्त्री जीवन घिमिरेले प्राविधिक शिक्षाको गुणस्तरीय विकासका लागि विधेयक ल्याइएको दाबी गरेका छन् ।
कांग्रेसले विधेयकमा समावेश गरिएको ‘बोर्ड अफ गभर्नस’ नियुक्ति प्रक्रिया र मनमोहन पोलिटेक्निक कलेजका सञ्चालकलाई संरक्षक बनाउने, कर्मचारीलाई जस्ताको त्यस्तै विश्वविद्यालयमै लिने विषयमा कांग्रेसले असहमति जनाउँदै आएको छ ।  

आजको राशिफल, आश्विन

श्री शालिवाहनीय शाके १९४१, ने. सं. ११३९, वि.सं.२०७६ साल

धरानमा पेस्तोलसहित भ

धरान । धरान प्रहरीले एक युवासहित पेस्तोल र भारी परिमाणम

२ लाख नदिदा नेपाली च

विराटनगर /  तिलक स्वरूप २ लाख रुपैयाँ नदिएको विषयल

यसरी बिदाइ गरियो चिन

काठमाडौं  / दुईदिवसीय राजकीय भ्रमणमा नेपाल आए


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved