झापामा पटका (विस्फोटक पदार्थ)कारोबारी सक्रिय

alt
  • आश्विन २३, २०७६
  • ९७ पटक पढिएको
  • ब्लाष्ट खबर

भद्रपुर/ दसैंलगतै तिहार तथा छठ पर्वलाई लक्षित गरी झापाका सीमावर्ती नाकाबाट बारुदजन्य पटका (विस्फोटक पदार्थ) नेपाल भित्र्याउन शुरु गरेका छन् । नेपालमा प्रतिबन्धित बारुदजन्य पटका तस्कर समूहले चोरी निकासीको बाटो प्रयोग गरेर नेपाल भित्राउन थालेका हुन् ।

भारतको विहारसँग सीमा जोडिएको झापाका खुल्ला नाकाबाट ठुलो परिणाममा पटका नेपाल भित्रिदै आएको विगत वर्षहरुले पनि पुष्टि गरिसकेको छ । यसै क्रममा झापाको कचनकवल नाकाबाट भित्राइएको ठुलो परिणामको पटकासहित एउटा मोटरसाइकल सशस्त्र प्रहरीले नियन्त्रणमा लिएको छ ।

सशस्त्र प्रहरी बल २ नम्बर गण झापाबाट खटिएको सशस्त्र प्रहरी टोलीले हल्दीबारी गाउँपालिका ५ स्थित डाँगागाँउबाट दुई बोरा जगमग पटकासहित मोटरसाइकल नियन्त्रणमा लिएको सशस्त्र प्रहरी बल २ नम्बर गण झापाका सशस्त्र प्रहरीका डिएसपी प्रेमबहादुर भण्डारीले जानकारी दिए ।

मे १ प ३७१३ नम्बरको मोटरसाइकलमा हालेर बिर्तामोडतर्फ लैजाने क्रममा सशस्त्र प्रहरीले विशेष सूचनाको आधारमा पटका बरामद गरेको डिएसपी भण्डारीले बताए । बरामद गरिएको पटकाको नेपाली बजार मूल्य एकलाख रहेको छ । पटकालाई बिहीबार बिहान सशस्त्र प्रहरी बल २ नम्बर गण झापामै सबै सरोकारावाला निकायको रोहबरमा नष्ट गरिएको उनले बताए ।

यता बरामद गरिएको मोटरसाइकललाई आवश्यक कारबाहीका लागि भन्सार बुझाइने उनको भनाई छ । तिहार र छठ पर्वलाई लक्षित गरी बारुद जन्य पटका तस्करीको माध्यमबाट भित्राउने योजना रहेकोले यसलाई नियन्त्रण गर्न सशस्त्र प्रहरी सीमा क्षेत्रमा परिचालन गरिसकेको उनले बताए ।

यसअघि जिल्ला प्रहरी कार्यालय झापाबाट खटिएको प्रहरी टोलीले मेचीनगर नगरपालिका ६ स्थित तुर्केनीबाट अन्दाजी एकलाख बराबरको विस्फोटक पदार्थ बरामद गरेको थियो । त्यस्तै प्रहरीले कनकाई नगरपालिका ५ स्थित सुरुङगाबाट अन्दाजी ७० हजार मूल्य बराबरको २९ बण्डल पटका बरामद गरी नष्ट गरिसकेको जनाइएको छ ।

आजको राशिफल, आश्विन

श्री शालिवाहनीय शाके १९४१, ने. सं. ११३९, वि.सं.२०७६ साल

धरानमा पेस्तोलसहित भ

धरान । धरान प्रहरीले एक युवासहित पेस्तोल र भारी परिमाणम

२ लाख नदिदा नेपाली च

विराटनगर /  तिलक स्वरूप २ लाख रुपैयाँ नदिएको विषयल

यसरी बिदाइ गरियो चिन

काठमाडौं  / दुईदिवसीय राजकीय भ्रमणमा नेपाल आए


हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved