छिन्ताङ काण्डका १६ सहिद परिवारले पाउने भए ५ लाख

alt
  • कार्तिक २१, २०७६
  • २२५ पटक पढिएको
  • अनिल श्रेष्ठ

विराटनगर /  पञ्चायतकालमा धनकुटाको छिन्ताङमा मारिएका १६ जनाको सहिद परिवारलाई प्रदेश १ सरकारले जनही ५ लाख रुपैयाँ दिने निर्णय गरेको छ । मुख्यमन्त्री तथा मन्त्रिपरिषद्को कार्यालय विराटनगरमा बिहिबार बसेको मन्त्रीपरिषद बैठकले यस्तो निर्णय गरेको हो ।
२०३६ सालमा तत्कालिन प्रधानमन्त्री सूर्यबहादुर थापाको नेतृत्वमा भएको हत्याकाण्डमा मारिएका १६ जनाको परिवारलाई राहत दिने प्रदेश सरकारले निर्णय गरेको हो । यस्तै मन्त्रिपरिषद्को बैठकले मोरङ, झापा, पाँचथर, धनकुटा, ओखलढुंगा र उदयपुरमा प्रदेश लेखा नियन्त्रण कार्यालय अन्तर्गत रहने गरी प्रदेश लेखा इकाइ स्थापना पर्ने निर्णय गरेको छ ।
यस्तै धरानमा स्थापित वन निर्देशनालयमा दशौं तहका रविन्द्र महर्जनलाई कायममुकायम जिम्मेवारी दिने, प्रदेश यातायात निर्देशनालय गठन नभइसकेकोले मन्त्रालयले नै सो काम गर्ने निर्णय पनि मन्त्रिपरिषद्ले गरेको छ ।
बैठकले कार्तिक २९ गते अन्तर्राष्ट्रिय चलचित्र महोत्सव धरानमा आयोजना गर्ने, प्रदेश योजना आयोग –गठन तथा कार्य संचालन) आदेश २०७५ को अनुसूची–२ थप गर्ने, प्रदेश समपुरक अनुदान सम्बन्धी कार्यविधि संशोधन गर्ने, मुख्यन्यायाधिवक्ताको काम, कर्तव्य, अधिकार र सेवाका अन्य शर्त सम्बन्धी ऐन संशोधन गर्ने र सामाजिक विकास मन्त्रालय योजना तथा कार्यक्रम (संंचालन) कार्यविधि स्वीकृत गर्ने निर्णय गरेको छ ।

पाइपलाइनमा रहेका योज ...

धरान / निर्वाचन आयोगले रिक्त भएको स्थानमा मंसिर १४ ...

कांग्रेसले वडा वडामा ...

धरान  / धरानको मेयरमा नेपाली कांग्रेसक ातिलक ...

नोवेल मेडिकल कलेजसहि ...

काठमाडौं / सम्पत्ति शुद्धीकरण अनुसन्धान विभागले पह ...

धरान १७ का जनताको ...

धरान / धरान उपमहानगरपालिकाको मेयरका लागि नेपाल कम् ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved