विर्तामोडबाट सप्तरङ्ग यात्रा शुरु

alt
  • कार्तिक २२, २०७६
  • ३२१ पटक पढिएको
  • ब्लाष्ट खबर

बिर्तामोड/ सप्तरङ्ग २ मार्फत् सातै प्रदेशमा सात कलाकारको सङ्गीत यात्रा झापाको बिर्तामोडबाट शुरु भएको छ । बुधबार साँझ झापाको बिर्तामोडबाट सप्तरङ्ग २ शुरु भएको हो ।

अबेर रातिसम्म भएको कार्यक्रममा विभिन्न कलाकारहरूले गीत तथा नृत्य प्रस्तुत गरेका थिए । सात कलाकारमा महानायक राजेश हमाल, हास्य कलाकार जितु नेपाल, गायकहरू सुगम पोखरेल, हिमाल सागर, प्रकाश सपुत, रवि ओड तथा गायिका मेलिना राईले आफ्नो प्रस्तुति राखेका थिए ।

कार्यक्रमको उद्घाटन प्रदेश १ का मुख्यमन्त्री शेरधन राईले गरेका थिए । उनले प्रदेशहरूको पर्यटन प्रवद्र्धनका लागि भनेर कार्यक्रम आयोजना गरिएको भन्दै आयोजक ग्रीष्म ब्रोडकास्टिङ प्रालिलाई धन्यवाद दिए । मुख्यमन्त्री राईले भने, ‘यो कार्यक्रमले सङ्घीयताको मूल भावनालाई बलियो बनाउने छ ।’ ग्रीष्म ब्रोडकास्टिङका प्रबन्ध निर्देशक गृहेन्द्र घिमिरेले उक्त सङ्गीत यात्राको आयोजना पर्यटन प्रवद्र्धन र समुन्नतिका लागि गरिएको बताए ।

प्रदेश नं. २ को वीरगञ्ज, प्रदेश नं. ३ को चितवन, प्रदेश नं. ४ को पोखरा, प्रदेश नं. ५ को नेपालगञ्ज, प्रदेश नं. ६ को सुर्खेत र प्रदेश नं. ७ को महेन्द्रनगरमा कार्यक्रम आयोजना हुने उनले जानकारी दिए । उनले भने, ‘देश सङ्घीय संरचनामा गएपछि स्थापित प्रदेशहरूलाई दह्रो बनाउने यो कार्यक्रमको मुख्य उद्धेश्य हो ।’ सङ्गीत यात्राको समापन पोखरामा मङ्सिर ४ मा हुने घिमिरेले बताए । सबै कार्यक्रमहरू सम्बन्धित प्रदेशका मुख्यमन्त्रीहरूले उद्घाटन गर्ने उनले जानकारी दिए ।

पाइपलाइनमा रहेका योज ...

धरान / निर्वाचन आयोगले रिक्त भएको स्थानमा मंसिर १४ ...

कांग्रेसले वडा वडामा ...

धरान  / धरानको मेयरमा नेपाली कांग्रेसक ातिलक ...

नोवेल मेडिकल कलेजसहि ...

काठमाडौं / सम्पत्ति शुद्धीकरण अनुसन्धान विभागले पह ...

धरान १७ का जनताको ...

धरान / धरान उपमहानगरपालिकाको मेयरका लागि नेपाल कम् ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved