गरिमाको बृहत् साङ्गीतिक कार्यक्रम

alt
  • कार्तिक २३, २०७६
  • ४४८ पटक पढिएको
  • ब्लाष्ट खबर

धरान । गरिमा डान्स सेण्टर धरानको देउसी २०७६ बिहीबार साँझ बृहत् साङ्गीतिक कार्यक्रमका साथ समापन भएको छ । धरान–९ आचार्य लाइनस्थित गरिमाको कार्यालयअगाडि बृहत् साङ्गीतिक कार्यक्रम गरी देउसी कार्यक्रमको समापन गरिएको हो ।

पूर्वका प्रचलित नृत्य पूर्वेली समला मारुनी नृत्यबाट शुरु भएको सो कार्यक्रममा लिम्बू जातिको हाक्पारे, पश्चिमको राना थारुहरूको सखिया, याक्खा जातिको डोकेनी नृत्य÷साङ्दाङ लाकसहित, नेपाली फिल्मी, कन्ट्याम्प्ररी र हिन्दी मोडर्न, आइटमलगायतका नृत्यसमेत प्रस्तुत गरिएको थियो । अत्यधिक दर्शकको भीडमाझ भएको उक्त देउसी समापन कार्यक्रममा गरिमाको प्रत्येक नृत्यले दर्शकको ताली र हुटिङ पाउन सफल भएको थियो ।

गोवद्र्धन पूजाको दिनबाट शुरु भएको गरिमाको देउसी धरानका विभिन्न वडासँगै इटहरी, भेडेटार (धनकुटा) र उदयपुरको बेलका नगरपालिकालगायतका स्थानमा साँस्कृतिक कार्यक्रम गरी समापन गरिएको गरिमाका सञ्चालक सञ्जु राईले बताइन् । हरेक वर्ष नेपाली साँस्कृतिक नृत्यलाई संरक्षण, प्रवद्र्धन र प्रचार–प्रसार गर्ने गरिमा डान्स सेण्टर धरानको चलनअनुसार यस वर्षको देउसीमा भने याक्खा जातिको डोकेनी नृत्य-साङ्दाङ लाकसहित लिम्बू जातिको हाक्पारे, पश्चिमको राना थारुहरूको सखिया, पूर्वेली समला मारुनी नृत्यलाई प्रस्तुत गरिएको गरिमाका प्रबन्ध निर्देशक तथा नृत्य निर्देशक मणिकुमार लिम्बूले बताए ।

नेपालका विभिन्न जातजातिको नृत्यलाई खोज अनुसन्धान गर्दै कलाकारद्वारा नृत्य प्रदर्शन गराउँदै आएको जनाउँदै नृत्य निर्देशक लिम्बूले सांस्कृतिक नृत्यलाई प्रदर्शन गर्दै प्रचार गर्ने अत्यन्तै राम्रो माध्यम देउसी कार्यक्रम भएको बताए । उनका अनुसार अन्य बेला कार्यक्रम आयोजना गर्दा आयोजकले मागेको नृत्यलाई मात्र प्रस्तुत गर्नुपर्ने बाध्यता भएकाले नेपाली सांस्कृतिक नृत्य प्रदर्शनीले स्थान नपाउने गरेको छ । तर देउसी कार्यक्रममा भने चाहे जत्तिको नेपाली सांस्कृतिक नृत्य लक्षित वर्ग, समुदायमाझ पस्कन पाइने उनले बताए ।

पाइपलाइनमा रहेका योज ...

धरान / निर्वाचन आयोगले रिक्त भएको स्थानमा मंसिर १४ ...

कांग्रेसले वडा वडामा ...

धरान  / धरानको मेयरमा नेपाली कांग्रेसक ातिलक ...

नोवेल मेडिकल कलेजसहि ...

काठमाडौं / सम्पत्ति शुद्धीकरण अनुसन्धान विभागले पह ...

धरान १७ का जनताको ...

धरान / धरान उपमहानगरपालिकाको मेयरका लागि नेपाल कम् ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved