सीमा विवाद सुल्झाउन कुटनीतिक पहल गर

alt
  • कार्तिक २५, २०७६
  • ८५ पटक पढिएको
  • ब्लाष्ट खबर

नेपालमा उपनिर्वाचनको माहौल बन्दै गर्दा पश्चिम नेपालको भूभाग भारतको नक्सामा समावेश भएको विषयले यति बेला चर्चा पाएको छ । बेला बेलामा नेपाली भूभाग भारतले मिचेको समाचार आउने गरेका छन् । जङ्गे पिलर नेपालतिर सार्ने भारतको रोग नै हो । हुँदा हुँदा पछिल्लो समय नेपाली भूभाग नै भारतको नक्सामा समावेश भएको सार्वजनिक भएपछि नागरिकस्तरमा भारतप्रति नकरात्मक सोच पैदा भएको छ । भारतले नेपालको भूमि मिचेको विरुद्ध नागरिक एकमत भई विरोधका स्वर निस्केका छन् । देशव्यापी रूपमा भारतको मिचाहा प्रवृत्तिको विरोधमा भएको सङ्गठित विरोधले राष्ट्रप्रति सबै नागरिकको सद्भाव रहेको र चिन्तित भएको सन्देश पनि उजगार गरेको छ ।

नागरिकको चिन्ता, भारतीय प्रधानमन्त्रीको पुत्ला दहन अर्थात् भारत विरोधी उत्तेजित गतिविधि सिमाको विषयमा देखिएको विवाद समाधानको उपाय होइन ।यसले सरकारलाई अप्ठेरो मात्र पर्ने हो । छिमेकी शक्तिशाली राष्ट्रलाई चिढाउने काम मात्र हो । यसका लागि सबै दल नागरिक समाज मिलेर गरिने कुटनीतिक पहल मात्र विकल्प हो भन्ने कुरा शासकहरूले बुझ्नुपर्दछ । नागरिकमा भएको आक्रोशलाई मत्थर बनाउन राज्यको तर्फबाट कुटनीतिक पहल तत्काल थालिनुपर्दछ । भारतले धेरै ठाउँमा नेपाली सीमा अतिक्रमण गरेका उदाहरण छन् । पछिल्लो समय त कालापानी, लिपुलेक र लिम्पियाधुरालाई भारतले आफ्नो आधारिकारिक नक्सामा राखेको छ । सार्वभौम अधिकार सम्पन्न राष्ट्रमाथि भारतले धावा बोल्दा नेपालीजन भारत प्रति आक्रोशित हुनु अस्वाभाविक होइन ।

विगतमा पनि भारतको हेपाहा प्रवृत्तिको कुनै शासकहरूले खुलेर छलफल तथा विरोध गर्न हिक्मत गर्दैन थिए । तर, प्रधानमन्त्री केपी शर्मा ओलीको अग्रसरतामा भारतले जारी गरेको नयाँ नक्सामा नेपाली भूभाग समावेश हुनु गलत हो भन्न सकेका छन् । त्यसलाई कूटनीतिक माध्यमबाट सच्याउन र नेपाली भूमिबाट भारतीय सेना हटाउन लगाउन सरकारलाई साथ दिन सबै दलका नेताहरू पनि एकमत हुनु गौरवको कुरा हो । राष्ट्र रक्षाका लागि फुटेर हैन जुटेर लड्नुपर्छ भन्ने सन्देश दलहरूले दिएका छन् । अङ्ग्रेजहरूले भारतमा राज गर्दादेखि नै नेपाल भारतबाट प्रताडित छ । दुई तिहाई बहुमतको सरकारले भारतको मिचाहा प्रवृत्तिलाई व्यवस्थापन गर्ने हिम्मत गरेर नेपाली जनताको आक्रोशलाई मत्थर बनाउन सक्नुपर्दछ । सरकार र दलहरूले विरोध गरेर मात्र यो समस्या समाधान हुने होइन । भारतीय शासकसँग कुटनीतिक पहल गरेर समस्या सुल्झाउन सरकार अग्रसर हुनुपर्दछ ।

धनुषा बम विस्फोटः यस ...

धरान  / धनुषामा गएराती भएको शक्तिशाली बम बिस् ...

पूर्वमा चासोकको रौनक ...

पाँचथर / नेपालको पूर्वी क्षेत्र जहाँ जातीय बाहुल्यता छ, ...

‘प्रदेश १ को नाम पहि ...

पथरी / प्रदेश १ का आर्थिक मामिला मन्त्री इन्द्र आङ्बो ल ...

‘प्राविधिक धारको शिक ...

भद्रपुर / अर्थ मन्त्री डा.युवराज खतिवडाले अबको शिक्षा व ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved