कामदारको आन्दोलनले सीजी उद्योगको उत्पादन प्रभावित

alt
  • कार्तिक २८, २०७६
  • २६५ पटक पढिएको
  • ब्लाष्ट खबर

इनरुवा-बलाहा/ कामदार आन्दोलित बनेपछि सुनसरीको गढी गाउँपालिकाको औरावनीमा सञ्चालित सीजी फुड्स इन्ड्रस्टिज प्रालिको उत्पादन प्रभावित बनेको छ ।

कम्पनीको नियम विरुद्ध आन्दोलित कामदारको हड्तालका कारण वाइवाइ चाउचाउ उत्पादन गर्दै आएको सीजी फुड्स प्रालि दुई दिनयता बन्द छ । २ सय २० कामदार एकसाथ आन्दोलनमा उत्रिएपछि उद्योग सञ्चालनमा आउन सकेको छैन । आन्दोलनका कारण उद्योगको उत्पादन प्रभावित बन्दा चाउचाउ र भुजिया गरी १३ हजार कार्टुन उत्पादन कटौती भएको छ ।

हड्तालका कारण दैनिक एक करोड बढीको नोक्सानी सहनु परेको उद्योग प्रशासनले जनाएको छ । उद्योगका प्रशासकीय अधिकृत तथा प्रवक्ता श्याम पोखरेलका अनुसार कामदारको आन्दोलनले दैनिक ७० लाख बराबरको सामान उत्पादन प्रभावित बनेको छ । आन्दोलित कामदारहरूले खाजा, नास्ता खाने र शौचालय जाने जस्ता सवालमा समेत कम्पनीले कडाई गरेकाले उद्योग विरुद्ध आन्दोलनमा उत्रिनु परेको बताएका छन् ।

आन्दोलित कामदार मध्येका कृष्ण चौधरीले उद्योग कामदारको हकहितको पक्षमा नदेखिएकाले आन्दोलित बन्नु परेको बताए । खाना खानको लागि घर जान पाउनुपर्ने आफूहरूको अडानलाई उद्योगले बेवास्ता गरेको उनी बताउँछन्् । उद्योगभित्रै रहेको क्यान्टिनमा जबरजस्ती खाना, नास्ता खानुपर्ने बाध्यता सिर्जना गराउन उद्योगले आफूहरूलाई कडाइ गरेको चौधरीको भनाइ छ । चौधरीले आफूहरूको एकमात्र माग खानाका लागि उपलब्ध गराइने समयमा उद्योग बाहिर निस्कन पाउनुपर्ने रहेको बताए । खानाकालागि आधा घण्टाको समय अपुग भएको समेत कामदारको गुनासो छ ।

कामदारको गुनासो र आन्दोलनका सवालमा उद्योग प्रशासनले भने बेतुकको राजनीति लाद्न खोजेको प्रतिक्रिया दिएको छ । कामदारको सवालमा कम्पनीबाट उपलब्ध हुने सबैखाले सेवा र सुविधा उपलब्धताका बाबजुद कामदार आन्दोलनमा उत्रिनुलाई उद्योगले व्यक्तिगत स्वार्थ साध्ने केही व्यक्तिको उक्साहट र बदनियत पूर्ण कार्य भनेको छ ।

उद्योगका प्रवक्ता पोखरेलले श्रम सम्झौताकै दौरान कम्पनीका सबै नियम कानून मान्ने शर्त अनुरूप पक्रियासङ्गत नियुक्ति गरिएका कामदार हड्तालमा उत्रनुलाई अवैधानिक कदम भएको बताए । श्रम ऐनअन्तर्गत आफूहरूले कामदारका हकमा सञ्चय कोषको व्यवस्थासहित आवश्यक सेवा सुविधा दिलाएको बताउने पोखरेलले काममा फर्किन गरिएको पटक पटकको आग्रह नटेरेकाले कानूनी बाटोमा अघि बढ्न लागिएको बताए ।

सीजी फुड्सले औरावनीमा उत्पादन थालेको ४ महिना भएको छ । कामदार परीक्षण अवधिमै रहेको बताएको उद्योगले असन्तुष्टिका विषय भए कानूनी व्यवस्था अनुरूप प्रक्रियासङ्गत ढङ्गले व्यक्त गरिनुपर्नेमा त्यसो समेत नगरिएको बताएको छ । कामदारहरूले उद्योगको हित विपरित कार्य गरेको पाइएकाले सो सम्बन्धमा कानूनी बाटो रोज्ने विषयमा छलफल भइरहेको उद्योग प्रशासनको भनाइ छ ।

उद्योगले कम्पनीको नियम भन्दा बाहिर जान नसकिने स्पष्ट पार्दै कामदारलाई बहकाउमा नलागी आफ्नो पेशाको सुनिश्चितता गर्दै काममा फर्कन आग्रह समेत गरेको छ । चौधरी ग्रुपको सीजी फुड्स प्रालिले औरावनीमा जग्गाको मूल्य बाहेक २० करोड बढी लागतमा उद्योग सञ्चालनमा ल्याएको छ ।

कमिसनमा स्वास्थ्य सं ...

धरान / स्वास्थ्य तथा जनसंख्या मन्त्री भानुभक्त ढका ...

धरानमा चासोक तङ्गनाम ...

धरान, सुनसरी । सधै र्झै यस वर्ष पनि सुनसरीका लिम्ब ...

बलात्कारको आरोपमा वड ...

ब्लाष्टखबर । बलात्कारकाे आरोपमा सप्तरी जिल्लाकाे शम्भुन ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved