नेपाल घुम्न आएका पाँच युक्रेनी नागरिक भारतमा पक्राउ

alt
  • मंसिर २, २०७६
  • २३३ पटक पढिएको
  • ब्लाष्ट खबर

भद्रपुर/ नेपालको झापा घुम्न आएका ५ विदेशी नागरिकले बाटो बिर्सिंदा उनीहरूलाई भारतीय प्रहरीले पक्राउ गरेको छ । युक्रेनी नागरिक रहेका २ महिला र ३ पुरुषलाई नेपालको सीमा नाघेपछि भारतीय एसएसबीले नियन्त्रणमा लिएर स्थानीय भारतीय सुखानी थाना प्रहरीमा बुझाएको छ ।

पक्राउ पर्नेमा ३० वर्षीया मेरिना रुडियुक, ३३ वर्षीय भोलोडिमार कोभालचुक, ३५ वर्षीया लिलिया कोभालचुक, ३५ वर्षीय ओलेक्जेण्डर कोपटिभ र २६ वर्षीय इभान सेच रहेका छन् ।

घटना विवरणअनुसार बुधबार झापाको बनियानीमा रहेको होली फिल्ड स्कुलमा भोलेन्टियर काम गर्ने युक्रेनका २ शिक्षिका साथीलाई भेट्न उनीहरू स्कुल पुगेका थिए । त्यहाँबाट नजिकै रहेको नेपालको होचो भू–भाग केचना घुम्न २ वटा मोटरसाइकलमा नेपाल–भारत सीमाको ५० मिटर अघि बढेर फर्किन खोज्दा बाटो बिर्सिएपछि उनीहरूलाई भारतीय एसएसबीले नियन्त्रणमा लिएको थियो ।

भारत प्रवेश गर्ने अनुमति प्रमाण नभएपछि मे.५ प ४८० र मे.६ प ५८७९ नम्बरको मोटरसाइकलसहित उनीहरूलाई पक्राउ गरेको थियो । उनीहरूलाई एसएसबीले सुखानी थानामा जिम्मा लगाएको थियो । पक्राउ परेका विदेशी नागरिकहरूसँग ११ नोभेम्बरमा नेपाल आएको र १५ दिनको नेपाल भ्रमण गर्ने भिसा अनुमति रहेको छ ।

बिहीबार बिहान नेपाल प्रहरीले भारतीय समकक्षीसँग कुरा गरे पनि माथिल्लो निकायमा जानकारी गराइ सकेकोले उनीहरूलाई किशनगञ्ज जिल्ला अदालतमा बुझाइसकेको जानकारी दिएको छ । सिमाना पत्ता लगाउन नसकेका कारण भारत प्रवेश गरेपछि भारतीय प्रहरीले नियन्त्रणमा लिएको जिल्ला प्रहरी कार्यालय झापाका डिएसपी महेन्द्रकुमार श्रेष्ठले बताए ।

सिरियाली सङ्कटमा साम ...

ऐतिहासिक पृष्ठभूमि सन् १९१८ तिर अटोमन साम्राज्यको पतन भ ...

को को हुनुहुन्छ सावि ...

आफ्ना साथीसङ्गीसँग हातमा स्मार्टफोन बोकेर सेल्फी खिच्ने ...

राष्ट्रिय दलित पत्रक ...

धरान/ राष्ट्रिय दलित पत्रकार संघ, नेपालको सुनसरी जिल्ला ...

मुख्यमन्त्री र सभामु ...

विराटनगर / प्रदेश नं १ का मुख्यमन्त्री शेरधन राई र ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved