मनमोहन अस्पतालको तनाव सहमतिमा टुङ्गियो

alt
  • मंसिर १२, २०७६
  • २०४ पटक पढिएको
  • ब्लाष्ट खबर

बिर्तामोड/ शिशुको मृत्युपछि मनमोहन सामुदायिक अस्पताल बिर्तामोडमा उत्पन्न भएको तनाव साम्य भएको छ । उपचारको क्रममा पाँच महिने शिशुको मृत्यु भएपछि उत्पन्न तनाव पीडित परिवार र अस्पताल र प्रशासनबीचको बैठकमा सहमति भएपछि साम्य भएको हो ।

त्रिपक्षीय बैठकले शिशुको नाममा अक्षयकोष स्थापना गर्न अस्पतालले ५ लाख उपलब्ध गराउने भएपछि सहमति भएको इलाका प्रहरी कार्यालय अनारमनीले जनाएको छ । अस्पतालले बुधबार नै १ लाख नगद र बाँकी ४ लाख मङ्सिर मसान्तभित्र दिने सहमति भएको छ ।

मनमोहन सामुदायिक अस्पतालमा बिर्तामोड नगरपालिका वडानम्बर ५ निवासी विजय लिम्बूको पाँच महिनाकी छोरी विपिषाको उपचारको क्रममा बुधबार बिहान मृत्यु भएपछि अस्पतालमा तनाव उत्पन्न भएको थियो । मृतक शिशुका आक्रोसित आफन्तले अस्पतालमा ढुङ्गामुढासमेत गरेका थिए । मृतकका आफन्तले ढुङ्गा प्रहार गर्दा अस्पतालका केही सिसा फुटेका छन् । अस्पतालमा तोडफोड हुन थालेपछि थप क्षति हुन नदिन ठूलो सङ्ख्यामा प्रहरी परिचालन गरिएको थियो ।

पीडितका अनुसार मङ्गलबार दिउँसो १ बजे शिशुको उपचारका लागि अस्पताल पुर्याइएको थियो । उपचारको क्रममा साँझ ५ः३० बजे मृत्यु भएको बताइएको छ । थप उपचारको लागि मनमोहन अस्पतालले नजिकै रहेको बी एण्ड सी अस्पताल रेफर गरेको थियो । तर, बिरामीको रेफर गर्नु अगावै अस्पतालमै मृत्यु भएको पीडितको भनाइ छ ।

विवादपछि इलाका प्रहरी कार्यालयमा बसेको सर्वपक्षीय बैठकले सहमति जुटाएको छ । सहमतिमा अस्पतालका तर्फबाट रोमणी भट्टराई र पीडित परिवारको तर्फबाट विजय लिम्बूलगायत आफन्तले हस्ताक्षर गरेका छन् ।

सिरियाली सङ्कटमा साम ...

ऐतिहासिक पृष्ठभूमि सन् १९१८ तिर अटोमन साम्राज्यको पतन भ ...

को को हुनुहुन्छ सावि ...

आफ्ना साथीसङ्गीसँग हातमा स्मार्टफोन बोकेर सेल्फी खिच्ने ...

राष्ट्रिय दलित पत्रक ...

धरान/ राष्ट्रिय दलित पत्रकार संघ, नेपालको सुनसरी जिल्ला ...

मुख्यमन्त्री र सभामु ...

विराटनगर / प्रदेश नं १ का मुख्यमन्त्री शेरधन राई र ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved