पटेक डाँडाको काम तीव्र गतिमा

alt
  • मंसिर १३, २०७६
  • ३५३ पटक पढिएको
  • ब्लाष्ट खबर

धनकुटा/ धनकुटा जिल्लाको छथरजोरपाटी गाउँपालिका–६ को पटेकडाँडाको काम तीव्र गतिमा अगाडि बढिरहेको छ ।

पर्यटन प्रवद्र्धन गर्ने उद्देश्यका साथ निर्माण कार्य अगाडि बढिरहेको हो । आ.व.०७६÷७७ मा नेपाल सरकारको पर्यटन विकासबोर्ड काठमाडौंबाट २५ लाख, प्रदेश स्तरको पर्यटन मन्त्रालयबाट १ करोडका साथै स्थानीयको लागत सहभागितासहित करिब ९० लाख रुपैयाँको लगानीमा निर्माण भइरहेको हो ।

हलहलेदेखि पटेक डाँडासम्म करिब ३ सय मिटरको रेलिङसहितको पक्की सिँढी निर्माण कार्य सम्पन्न भएको छथरजोरपाटी गाउँपालिकाका अध्यक्ष शेरबहादुर लिम्बूले बताए । त्यसैगरी आर्थिक वर्ष ०७५÷७६ मा पनि प्रदेश सरकारको १ करोड ५० लाख, पर्यटन विकास समिति काठमाडौंको ५० लाख र सङ्घीय सांसद् राजेन्द्रकुमार राईको सांसद् विकास कोषबाट २० लाख रुपैयाँ गरी जम्मा २ करोड २० लाखको काम भएको अध्यक्ष लिम्बूले बताए ।

पटेक डाँडाको उचाइ समुद्री सतहबाट करिब २६ सय ५० मिटर रहेको छ । यो डाँडाबाट बाह्रैमास मकालु हिमशृङ्खला, कुम्भकर्ण हिमशृङ्खलासहित १ नं. प्रदेशका अधिकांश जिल्लाका मनोरम दृश्य अवलोकन गर्न सकिने स्थानीय समाजसेवी एवम् नेपाल आदिवासी जनजाति महासङ्घ धनकुटाका निवर्तमान अध्यक्ष इन्द्र सारु मगरले बताए ।

पटेक डाँडा सरकारको पर्यटकीय गन्तव्य सूचीमा सूचीकृत भएपछि यो ठाउँमा आन्तरिक तथा वाह्य पर्यटकको चहल–पहल बढ्न थालेको पूर्वअध्यक्ष सारुले बताए । देश विदेशका पर्यटकलाई सेवा पु¥याउने उद्देश्यले पटेक डाँडामा भ्यूटावर, विभिन्न स्थानमा पिकनिक स्पट र विभिन्न जातजातिको बहुसाँस्कृतिक मठमन्दिर निर्माण गर्न पहल गरिएको छथरजोरपाटी गाउँपालिकाका अध्यक्ष शेरबहादुर लिम्बूले जानकारी दिएका छन् ।

पटेक डाँडामा गुराँस फुलेकोदेखि लिएर हिमशृङ्खलालगायत अन्य दृश्य हेर्नको लागि पर्यटक आउँदा गाउँपालिकाको आयस्रोत वृद्धि हुने लिम्बूले आशा गरे । पटेक डाँडा हेर्न आउने आन्तरिक तथा वाह्य पर्यटकबाट उठेको रोयल्टीले सिङ्गो गाउँपालिकाकै विकासमा लगानी गर्न सकिने छथरजोरपाटीका पर्यटन व्यवसायी दीपक आले मगरले बताएका छन् ।

नौं दिनदेखि युवती ब ...

 ताप्लेजुङ / ताप्लेजुङको आठराई त्रिवेणी गाउँप ...

धरानबाट खैरो हिरोइनस ...

धरान / इलाका प्रहरी कार्यालय धरानले खैरो हिरोइनसहि ...

भोजपुरका दुईवटा वडा ...

भाेजपुर / अज्ञात समुहले जिल्लाको दुईवटा वडा कार्यालयमा ...

मारुती सिमेन्टको काम ...

सिरहा । सिरहाको गोलबजार नगरपालिका वडा नं.९ मा रहेको मार ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved