चार हजार लिटर घरेलु मदिरा नष्ट

alt
  • मंसिर १६, २०७६
  • ११३ पटक पढिएको
  • ब्लाष्ट खबर

बिर्तामोड/ इलाका प्रहरी कार्यालय बिर्तामोडले ४ हजार लिटर घरेलु मदिरा जफत गरी नष्ट गरेको छ । बिर्तामोड नगरपालिका वडानम्बर ३, ५ र ६ का विभिन्न स्थानबाट बरामद गरेको घरेलु मदिरा प्रहरीले नष्ट गरेको हो ।

बिर्तामोडमा ठूलो परिमाणमा घरेलु मदिरा उत्पादन र बिक्री वितरण हुँदै आएको सूचनाका आधारमा छापा मारेको बताउँदै अहिलेसम्मकै धेरै मदिरा बरामद गरेर नष्ट गरेको प्रहरीले दाबी गरेको छ । खासगरी अखाद्यवस्तु प्रयोग गरेर बनाइने घरेलु मदिराले मानव स्वास्थ्यमा समेत गम्भीर असर गर्ने भएकाले यसको नियन्त्रणमा लागेको जिल्ला प्रहरी कार्यालय झापाका प्रवक्ता महेन्द्र श्रेष्ठले बताए ।

युरिया, महिलाले प्रयोग गरेको प्याड, जुत्ता, मोजा र कुहिएको अखाद्यवस्तुको प्रयोग गरेर घरेलु मदिरा उत्पादन गरिएको पाइएको प्रहरीले जनाएको छ । झापा जिल्लामा मदिरा नियन्त्रणका लागि अभियान शुरु गरेको प्रहरीले यसको उत्पादन र बिक्री वितरणमा कडाइ गरिने जनाएको छ ।

मदिरा नियन्त्रण नहुँदा हत्या, हिंसा, झै–झगडा, सवारी दुर्घटना शारीरिक तथा मानसिक असर, बालबालिकाको मानसिकतामा असर तथा देशलाई राजश्वमा घाटा हुने बताइएको छ । मदिरा ऐन २०३१ अनुसार ‘कुनै व्यक्तिले अनुमति बेगर वा अनुमति पाएको व्यक्तिले पनि तोकिएको शर्तबमोजिम बाहेक मदिरा उत्पादन गर्न पाइने छैन’ भन्ने उल्लेख छ । यसैगरी प्लाष्टिकको पोकामा मदिराको उत्पादन र बिक्री गर्न नपाउने, १८ वर्ष उमेर पूरा नगरेका व्यक्तिले र त्यो उमेरका व्यक्तिलाई मदिरा बिक्री गर्न नपाउने बताइएको छ ।

प्रचलित कानून विपरीत मदिरा उत्पादन गर्ने व्यक्तिलाई ६ महिनासम्म कैद वा १ लाख रुपैयाँ वा दुवै सजाय हुने प्रावधान छ । यसरी मदिरा उत्पादन गर्न सहयोग गर्ने व्यक्तिलाई ३ महिनासम्म कैद वा ५० हजारसम्म जरिवाना वा दुवै सजाय हुने बताइएको छ ।

इलाका प्रहरी कार्यालय बिर्तामोडका डिएसपी मोहन थापाले आइतबार एक दिनमा छापा मारेर ठूलो परिमाणमा घरेलु मदिरा बरामद गरेको जनाए । उनले घरेलु मदिरा उत्पादनलाई निरुत्साहित गर्न निरन्तर नियन्त्रण अभियान जारी राख्ने जानकारी दिए । प्रहरीले मदिरा बरामद गरेको भए पनि उत्पादन र बिक्री वितरणमा संलग्न कसैलाई पक्राउ भने नगरेको जनाएको छ ।

सिरियाली सङ्कटमा साम ...

ऐतिहासिक पृष्ठभूमि सन् १९१८ तिर अटोमन साम्राज्यको पतन भ ...

को को हुनुहुन्छ सावि ...

आफ्ना साथीसङ्गीसँग हातमा स्मार्टफोन बोकेर सेल्फी खिच्ने ...

राष्ट्रिय दलित पत्रक ...

धरान/ राष्ट्रिय दलित पत्रकार संघ, नेपालको सुनसरी जिल्ला ...

मुख्यमन्त्री र सभामु ...

विराटनगर / प्रदेश नं १ का मुख्यमन्त्री शेरधन राई र ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved