धरानको मेयरमा कांग्रेसका तिलक राई विजयी, कम्यूनिष्टकाे लालकिल्ला तोडियो

alt
  • मंसिर १६, २०७६
  • २,८८७ पटक पढिएको
  • ब्लाष्ट खबर

धरान / धरान उपमहानगरपालिकाको मेयरमा नेपाली कांग्रेसका तिलक राई विजयी भएका छन् । तिलक राईले २६७०९ मत ल्याएर विजयी भएका हुन । उनका प्रतिद्वन्दी नेकपाका प्रकाश राईको २३९१४ मत ल्याएका छन् । २०४७ साल पछिका हरेक निर्वाचनमा बामपन्थीहरुले जित्दैंआएको धरानमा तिलक राइले इतिहास बनाएका छन् । २७९५ मतान्तरणले जित हासिल गरेका हुन । निर्वाचन आयोगकाे औपचारिक घाेषणा हुन भने बाँकी छ ।
धरानलाई बामपन्थीहरुको लालकिल्ला मानिदैं आएका थियो । मनमोहन अधिकारी, कुन्ता शर्मा, लिला सुब्वा श्रेष्ठलगायतले यही धरानबाट चुनाव जितेका थिए ।
गत २०७४ सालका स्थानीय तहको निर्वाचनमा एमालका तारा सुब्वासँग ४ हजा रमतान्तरले हारेका राईले यो पटक झिलो मतले भए पनि जित हासिल गरेर कम्युनिष्टको लालकिल्ला तोडेका छन् ।
जित पछि राईले आफुले लालकिल्ला तोडेको नभई सबै धराने जनताले आफुलाई विजयी गराएको प्रतिक्रिया दिएका छन् । ‘अव धरानलाई भ्रष्टचारमुक्त शहर बनाउने अभियान चलाउने छु । सबैसँग सहकार्य गरेर धरानको विकास मेरो पहिलो प्राथमिकता हुने छ ।’
राईले यस अघि चुनावी सभामा जनताको प्रतिनीधि भएर काम गर्ने र जनताको सेवा गरे वापत कुनै पनि सेवा सुविधा नलिने घोषणा गरेका थिए ।
को हुन तिलक राई
राई २०४८ सालदेखिपार्टीमा आवद्ध रहि वडा समिति हुदें २०५३ सालमा नेविसंघको नगर सचिव भएका थिए । २०५५ सालमा तरुण दल सुनसरीको सभापति भएको थिए । उनले २०६१ सालमा पार्टीको नगरसचिवको जिम्मेवारी पाए भने २०७३ सालको १३ औंं महाधिबेशन पछि नगरसभापति निर्वाचित भएका थिए । उनी यातायात व्यवसायी समेत हुन ।
पहिलो हार र दोश्रो जितको संयोक
राई किरात राई यायोख्खाको केन्द्रीय निवर्तमान अध्यक्ष हुन । अघिल्लो निर्वाचनमा यायोख्खामा हार व्यहोरेका थिए । सुनसरी उद्योग बाणिज्य संघको निर्वाचनमासमेत पहिलो पटक हारे पछि दोश्रो निर्वाचनमा जित हासिल गरेका थिए । यस्तै २०७४ को स्थानीय तहमा मेयरको टिकट पाउदा स्व तारा सुब्बासँग ४हजार मतले हारेका थिए । यो उपनिर्वाचनमा उनी २७९५ मतान्तरले नेकपाका प्रकाश राईलाई हराएका छन् । धरान उपमहानगरले एउटा सालिन र प्रष्ट विचार भएकोे जनप्रतिनीधि पाएको कांग्रेसका नगर नेता प्रेम पराजुलीले बताएका छन् ।

नौं दिनदेखि युवती ब ...

 ताप्लेजुङ / ताप्लेजुङको आठराई त्रिवेणी गाउँप ...

धरानबाट खैरो हिरोइनस ...

धरान / इलाका प्रहरी कार्यालय धरानले खैरो हिरोइनसहि ...

भोजपुरका दुईवटा वडा ...

भाेजपुर / अज्ञात समुहले जिल्लाको दुईवटा वडा कार्यालयमा ...

मारुती सिमेन्टको काम ...

सिरहा । सिरहाको गोलबजार नगरपालिका वडा नं.९ मा रहेको मार ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2019 - Blastkhabar.com All rights reserved