धरान । सुनसरीको इटहरी–१७ बिसनपुरमा एक महिला झुण्डिएको अवस्थामा आइतबार अपरान्ह ४ बजेतिर भेटिएकी छन् ।
दुई सन्तानकी आमासमेत रहेकी ३५ वर्षीय टीका दाहाल आफ्नै भाडाको कोठामा सलले पासो लगाएर झुण्डिएको अवस्थामा भेटिएकी हुन् । श्रीमान् टङ्क दाहालले मादक पदार्थ सेवन गरेर बारम्बार झगडा तथा कुटपिटसमेत गर्दै आएपछि झुण्डिएको छिमेकीहरूको भनाइ उदृत गर्दै धरानका पृथ्वीमान गुरुङले जानकारी दिए ।
मृतक दाहालको शव पोष्टमार्टमको लागि धरानस्थित बीपी कोइराला स्वास्थ्य विज्ञान प्रतिष्ठानमा ल्याइएको छ । श्रीमान् टङ्क दाहाललाई एक पटक सुधार गृहमासमेत राखेर ल्याइएको थियो । तर, नसुध्रिएको प्रत्यक्षदर्शीसमेत रहेका गुरुङ बताउँछन् । आफ्नो जग्गाको कामले बिसनपुर पुगेका गुरुङले घटनाको बारेमा थाहा पाएका थिए ।
_1687670935.jpg)
