धरानको भानु चोकमा एक जनाले आत्मदाहको प्रयास गरेका छन् ।
धरान ३ माछाभौडीका यौवन खड्गीले आत्मदाह प्रयास गरेको ३ नम्बर वडाका वडाध्यक्ष विद्या शाक्यले बताएका छन् । आत्मदाह प्रयास गरेका खड्गीलाई प्रहरीले उद्धार गरी इलाका प्रहरी कार्यालयमा लगिएको छ ।
शाक्यका अनुसार खड्गी धरान ३ स्थित न्यु जयन्ती स्टोरका संञ्चालक हुन् । सुन पसलमा बचत सङ्कलन गर्ने गरेको र बचतकर्ताहरूको बचत रकम फिर्ता नगरेको भन्दै विवादित बनेका उनी उक्त लेनदेनको विषयलाई लिएर आफूलाई केही व्यक्तिहरूले तनाव दिएको भन्दै आत्मदाहाको प्रयास गरेको शाक्यले बताएका छन् ।
