कैलाली/ पिकनिक खान गएका एक बालकको बुधबार दिउँसो नदीमा डुबेर मृत्यु भएको छ । कैलालीको अत्तरिया नगरपालिका–११ कालिका टोलमा बस्ने जय कामीका छोरा आठ वर्षीय गोपाल कामीको गेटाको श्रीलङ्का टोल नजिकै झोलुङ्गे पुल आसपासको मोहना नदीमा डुबेर मृत्यु भएको जिल्ला प्रहरी कार्यालय कैलालीले जनाएको छ । मृतक बालकको शव सेती अञ्चल अस्पतालमा ल्याइएको र आज शवपरीक्षण हुने प्रहरीले जनाएको छ । रासस