धरान/किरात धर्म तथा साहित्य उत्थान संघ जिल्ला कार्य समिति धनकुटा डाडाँबजारले १३२ औं फाल्गुनन्द जन्मजयन्ती मनाएको छ । डाडाँबजारको ध्वजेडाँडामा रहेको मन्दिर परिषरमा होमआहुती गर्दै जन्मजयन्ती मनाइएको हो । धार्मिक सहिष्णुता कायम गर्नको लागिसमेत आगामी वर्षबाट उक्त क्षेत्रमा दुईदिनसम्म धार्मिक मेला लगाउने तयारी भएको ध्रुब गाउलेले जानकारी दिएका छन् । कार्यक्रमका प्रमुख अतिथि गविसका निर्वतमान अध्यक्ष कुमारजंग याक्खाले दीप प्रज्वलन गर्दै कार्यक्रमको सुरुवात गरेका थिए । कार्यक्रममा विशेष अतिथि कृष्ण ब्लोन, सञ्जयसन्तोषी राई, भानु उच्चमाविका प्रअ यज्ञ लिम्बू, पर्यटन विकास समितिका त्रिलोचन घिमिरेलगायतले शुभकामना दिएका थिए । कार्यक्रममा सोभिममान देवान, रत्न चवेगू, कल्पना चवेगूलाई धन्यवाद पत्र प्रदान गरिएको थियो । उनीहरुले मन्दिर निर्माणमा सहयोग गरेको भन्दै संस्थाले सहयोग गरेको अध्यक्ष पूर्ण खजुमले बताए ।