धरान/मलेसियामा जारी एएफसी सोलिडारिटी कप फुटबल अन्तर्गत शनिबार हुने पहिलो सेमिफाइलन खेलमा नेपाल र लाओसबीच स्पर्धा हुने भएको छ । आज अपरान्ह करिव २ बजेदेखि खेल सुरु हुने बताइएको छ । नेपाल समूह ए को विजेता हो भने लाओस् समूह बिको उपविजेता हो । यो खेल जितसँगै नेपाल फाइलनमा पुग्ने छ । मलेसियाको कुन्चिङस्थित सारावा स्टेट रंगशालामा खेल हुने भएको हो । नेपालले यस अघि टिमोर लिष्टेसँग गोलरहित बराबरी खेलेको थियो भने चिरप्रतिद्धन्द्धी ब्रुनाईलाई ३–० गोलले जित्दै चार अंकसहित समूह विजेता बनेको थियो । लाओसले दुई खेलमा जीत र एक खेलमा हार बेहोरेको थियो । श्रीलङ्कालाई २–१ गोलअन्तरले पराजित गरेको लाओसले मकाउँस्ग ४–१ गोल अन्तरले हारेको थियो । यता मंगोलियालाई ३–० ले जितेको थियो । आजै मकाउ र ब्रुनाई बीचको खेलसमेत हुने भएको छ । सोलिडारिटी कप एएफसीले आफ्ना कमजोर सदस्य राष्ट्रका लागि आयोजना गरेको प्रतियोगिता हो ।