धरान /बार्सिलोनाका स्टार खेलाडी लिओनल मेस्सीले दुई गोल गरेपछि बार्सिलोना समूह विजेता बन्दै अन्तिम १६ मा प्रवेश गरेको छ । messi बार्साले सेल्टिकलाई पराजित गरेको हो । बुधबार रातिको खेलमा सेल्टिकलाई २–० गोल अन्तरले हराएको हो । सेल्टिकको घरेलु मैदानमा सम्पन्न खेलमा बार्सिलोनाले २४ औं मिनेटमा मेस्सीको गोलबाट अग्रता लिएको थियो । दोस्रो हाफको ५५ औं मिनेटमा पाएको पेनाल्टीमा मेस्सीले नै गोल गरे । जितसँगै बार्सिलोना ५ खेलसँगै १२ अंकसहित समूह सीको शीर्ष स्थानमा छ । त्यस्तै अर्को खेलमा म्यानचेष्टर सिटीले बोरुसिया मानचाङलेबाखसँग १–१ को बराबरी खेलेको छ र ८ अंकका साथ अन्तिम १६ मा स्थान बनाएको छ । सेल्टिक र बोरुसिया मानचाङलेबाख भने समूह चरणबाटै बाहिरिए ।