धरान/क्रिष्टियानो रोनाल्डोको दुई गोलको मद्दतले रियल म्याड्रिड लालिगाको शीर्ष स्थानमा रहन सफल भएको छ । ronaldo laliga शनिबार रातिको खेलमा रियलले भाग्यबस स्पोटिङ गिजोनलाई हराउन सफल भएको छ । गिजोनलाई २–१ गोल अन्तरले हराउँदै १३ खेलबाट ३३ अंक जोड्न सफल भएको छ । २७ अंक जोडेको सेभिल्ला दोस्रो स्थानमा छ । घरेलु मैदानमा सम्पन्न खेलमा रियलले पाँचौं मिनेटमा नै रोनाल्डोको पेनाल्टीको गोलबाट अग्रता कायम गरेको थियो । उनले नै व्यक्तिगत दोस्रो गोल १८ औं मिनेटमा गरेको थियो । गिजोनले ३५ औं मिनेटमा कार्लोस कार्मेनोले गोल गर्दै एक गोल घटाउन सफल भयो । फेरि खेल सकिन १३ मिनेट बाँकी रहँदा पाएको पेनाल्टीलाई सदुपयोग गर्न नसक्दा गिजोनले हार टार्न सकेन ।